Un novo falecemento embaza a baixada de casos activos de covid na área sanitaria
Por Diego Espiño
A Área Sanitaria de Pontevedra e O Salnés pecha este luns o mes de xaneiro con 6.982 casos activos de coronavirus, 342 menos que o domingo.
Este descenso quedou embazado co falecemento dun home de 84 anos no Hospital de Montecelo. Trátase da vítima 242 con positivo activo por covid desde o inicio a pandemia.
En canto ao balance diario ofrecido polo Servizo Galego de Saúde, a baixada de casos prodúcese polo elevado número de altas epidemiolóxicas nas últimas horas (824), que compensa a cifra de 482 novos contaxios detectados.
Do total de afectados 87 persoas atópanse ingresadas en hospitais da comarca, dos que 5 evolucionan na Unidade de Coidados Intensivos de Montecelo e o resto fano en planta repartidos entre o Complexo Hospitalario Universitario de Pontevedra (66), o Hospital do Salnés (14) e o Hospital QuirónSalud Miguel Domínguez.
Desde o inicio da pandemia superaron o virus un total de 42.047 persoas na área sanitaria.
No que respecta a os datos autonómicos, Galicia conta ao 31 de xaneiro con 62.867 casos activos de covid, o que supón un descenso de 2.764 con respecto á xornada anterior.
Relacionadas:
-
Os casos activos de covid soben ata os 6.576 na área sanitaria rompendo varios días de descenso
Por Diego Espiño |
-
O falecemento de dous octoxenarios con covid eleva a 245 o número de vítimas mortais da pandemia na área sanitaria
Por Redacción |
-
Nove persoas menos hospitalizadas con covid na área sanitaria, con 6.564 casos activos
Por Diego Espiño |
-
A morte dun home de 85 anos en Montecelo eleva a 243 os falecidos con covid na área sanitaria
Por Diego Espiño |
-
A área sanitaria pecha a semana con 7.324 casos activos de covid, 267 menos que o sábado
Por Diego Espiño |
-
Descenso de hospitalizados por covid e de casos activos a pesar de rexistrarse 546 novos contaxios na área sanitaria
Por Diego Espiño |
-
As citacións de repesca para vacinarse coa terceira dose, a partir do mércores 2 de febreiro
Por Diego Espiño |
-
A área sanitaria bota o freo e os casos activos volven subir: 109 máis desde onte
Por Alejandro Espiño |