Trece empresas ofrécense para executar unha senda na PO-313 entre Pardavila e Cadro
Por Redacción
A Xunta recibiu un total de 13 ofertas de empresas para executar unha senda na estrada autonómica PO-313, entre Pardavila e Cadro, no concello de Marín, licitadas por un importe de 611.849 euros.
A Consellería de Infraestruturas e Mobilidade prevé desenvolver esta actuación durante este mesmo ano, xa que ten un prazo de execución de nove meses.
Os actos expropiatorios leváronse a cabo xa nos meses de setembro e de decembro do pasado ano. A actuación suporá un investimento total de 650.000 euros, incluíndo o pagamento dos predios precisos para executar as obras.
Esta intervención consiste na construción dun itinerario na marxe esquerda da estrada PO-313 coa finalidade de seguir mellorando a seguridade viaria na contorna e fomentar a mobilidade sostible.
O novo itinerario proxéctase en formigón cor terrizo e estará limitado exteriormente por un bordo que o diferencie do resto da plataforma. O ancho do itinerario será variable, sendo como mínimo de 1,8 metros.
De modo complementario mellorarase a seguridade viaria dunha intersección e instalarase unha nova marquesiña nunha parada de bus.
Relacionadas:
-
Agardan que as obras da senda peonil na PO-313 entre Pardavila e Cadro conclúan neste 2022
Por Redacción |
-
Comezan as obras da nova senda na estrada PO-313 entre Pardavila e Cadro
Por Redacción |
-
As obras da senda peonil entre Pardavila e Cadro comezarán na primavera
Por Redacción |
-
A Consellería licita a construción da senda peonil na PO-313 entre Pardavila e Cadro
Por Redacción |
-
A Xunta abre o proceso expropiatorio para construír unha senda peonil entre Pardavila e Cadro
Por Redacción |
-
Aprobadas as expropiacións para o trazado dunha senda peonil entre Pardavila e Cadro
Por Redacción |