En 30 minutos quedan esgotadas as reservas para as novas visitas guiadas a Santa Clara
Por Redacción
En 28 minutos quedaron esgotadas as reservas para realizar as primeiras visitas guiadas ao interior do recinto do convento de Santa Clara, previstas para as fins de semana do mes de febreiro. Rexistrábase, desta forma, unha gran demanda para lograr as 640 prazas que se atopaban dispoñibles para visitar este espazo recentemente adquirido polo Concello de Pontevedra.
A próxima oportunidade para as persoas que non puidesen obter esta reserva será o venres 18 de febreiro. As persoas que realicen a visita durante o mes de febreiro non poderán repetir, para desta forma facilitar que acudan novos visitantes. Para esa nova fase de visitas ofertaranse outras 640 prazas, repartidas ao longo de catro fins de semana de marzo, con catro quendas de visitas cada sábado e cada domingo, segundo informan desde o Concello de Pontevedra. Os grupos serán de vinte persoas para garantir un bo desenvolvemento das visitas e a seguridade dos asistentes e do edificio.
Aínda existe a posibilidade de apuntarse á lista de espera para as visitas de febreiro, segundo fontes municipais. Esta lista só serve para que, no caso de que algunha persoa cancele a reserva xa adxudicada, poida acudir outra persoa seguindo a orde de petición. Figurar nesa lista de espera non permite acceder ás previstas para o mes de marzo. As persoas interesadas en acudir durante o mes de marzo deberán encher o formulario habilitado na web oficial das visitas a Santa Clara.
Xaquín Moreda, concelleiro de Patrimonio Histórico, afirma que a rapidez coa que se esgotan as reservas mostra o interese da cidadanía por Santa Clara. O concelleiro garante que no caso de que continúe o interese se estudará un aumento de visitas en próximos meses para atender esta demanda.
Relacionadas:
-
A fin de semana do 21 e 22 de maio haberá portas abertas para visitar Santa Clara
Por María José Pita |
-
Este venres ábrese o período para reservar praza nas visitas guiadas de marzo ao interior de Santa Clara
Por Redacción |
-
Comezan as primeiras visitas guiadas ao interior do Convento de Santa Clara
Por Redacción |
-
Instalan unha rampla para facilitar o acceso á Igrexa do Convento de Santa Clara
Por Redacción |
-
Unha conferencia sobre a Placemaking Week, primeiro evento público en Santa Clara
Por Alejandro Espiño |
-
Anuncian próximas visitas guiadas a Santa Clara e a apertura da igrexa para actos culturais
Por María José Pita |
-
Pontevedra negociará co Arcebispado polo edificio anexo a Santa Clara
Por Alejandro Espiño |
-
Os membros do Consello Asesor do Museo móstranse "emocionados" ante a posible incorporación de Santa Clara
Por Oskar Viéitez |
-
Pontevedra e Santa Clara, máis unidos que nunca
Por Alejandro Espiño |
-
Haberá as xornadas de portas abertas "que fagan falta" para visitar Santa Clara
Por Alejandro Espiño |