Rescatan a un gato atrapado nun sumidoiro en Nantes
Por Manu Otero
Final feliz para un curioso gato que acabou atrapado nun sumidoiro de augas pluviais na parroquia sanxenxina de Nantes.
Efectivos do Servizo de Emerxencias de Sanxenxo tiveron que intervir esta tarde nesta localidade para liberar ao pequeno felino que non atopaba o modo de saír da trampa, os estreitos sumidoiros que cruzan as rúas para canalizar a auga da choiva, na que se meteu seguindo, con total seguridade, algún delicioso rastro.
Para salvar ao animal, os traballadores de Emerxencias tiveron que cortar o metal do sumidoiro con extrema precaución para evitar ferir o animal.
A operación resultou todo un éxito e o felino volve patrullar con liberdade polos seus dominios.
Relacionadas:
-
Recuperan o corpo dun pescador falecido en Punta Cabicastro
Por Redacción |
-
Rescatan un home en Noalla tras quedar atrapado co seu tractor nuns cables
Por Redacción |
-
Rescatan catro menores que estaban incomunicados e á deriva nun hidropedal alugado en Areas
Por Natalia Puga |
-
"Cabo", o can rescatado malferido dun acantilado de Sanxenxo, atopa un novo fogar
Por Redacción |