Humanizan a contorna para mellorar a accesibilidade á praza traseira do Concello de Cuntis
Por Redacción
Xa se atopan en marcha as obras para mellorar a praza traseira que se atopa detrás da Casa do Concello de Cuntis e que serve de unión entre o edificio central administrativo e o novo local de servizos sociais.
Previamente acometéronse obras para rehabilitar a fachada posterior da Casa do Concello, que sufría graves problemas de humidades e filtracións de auga. Tamén se realizaron obras para acondicionar o edificio que albergará as oficinas dos servizos sociais municipais.
A partir de agora, a proposta do goberno local céntrase en mellorar o acceso entre os dous inmobles.
Neste proxecto traballarase na reforma do espazo para mellorar a accesibilidade e permita que calquera persoa con problemas de mobilidade poida chegar aos dous espazos. Ademais realizarase unha humanización de todo esta contorna, que se atopaba en mal estado.
A obra inclúese no Plan Concellos da Deputación de Pontevedra, segundo explica o alcalde Manuel Campos, que manifesta a súa satisfacción por estas actuacións que permitirán ofrecer servizos á cidadanía de maneira centralizada ofrecendo tamén máis espazo para o persoal técnico e para os usuarios das instalacións municipais.
Relacionadas:
-
O goberno local de Cuntis presenta un orzamento municipal que supera os 4,6 millóns de euros
Por Redacción |
-
Cuntis aproba o convenio coa Deputación para reformar o Espadenal
Por Oskar Viéitez |
-
A Deputación aprobará un investimento de 1,8 millóns de euros do Plan Concellos
Por Oskar Viéitez |
-
A rehabilitación da fachada posterior do Concello de Cuntis, en marcha
Por Redacción |