O destino turístico Sanxenxo promociónase en Fitur co sorteo de dez escapadas de dous días
Por Redacción
O Concello de Sanxenxo contará cunha caseta propia dentro do pavillón de Turismo de Galicia na Feira Internacional de Turismo (Fitur) e tratará de animar aos visitantes potenciais a acudir á localidade a través do sorteo de dez estancias para dúas persoas e durante dous días.
Este é o segundo ano consecutivo que o municipio ten caseta propia na feira e realiza este sorteo en colaboración con CETS.
Para participar no sorteo, todas as persoas que acudan á caseta entre este mércores 19 e o vindeiro domingo só terán que sacarse unha foto e subila ás redes sociais co hashtag #SanxenxoEnFitur mencionando a Turismo de Sanxenxo en Twitter, Instagram e Facebook. Só admitirase unha foto por persoa.
O sorteo resolverase unha vez conclúa a feira, ao longo do mes de xaneiro, e as estancias deberán ser gozadas ao longo deste ano.
Sanxenxo acudirá a esta edición de Fitur con novos materiais de promoción turística. Co obxectivo de crecer os 12 meses do ano actualizáronse os folletos de información turística e a web turismodesanxenxo.com.
A información distribuíuse en seis folletos temáticos, que abarcan desde as praias e a costa ata os recursos menos coñecidos como a Ría de Arousa, os roteiros do interior e o patrimonio. Dos seis folletos, tres estrearanse desde este mércores en Fitur, os dedicados a 'Praias', 'Paisaxes' e 'Patrimonio'. Os outros tres son 'Gastronomía', 'Saúde e benestar' e 'Náutica' e xa se está traballando.
Na contraportada dos folletos turísticos incluíuse un código QR e durante os próximos meses despregarase nas praias, roteiros de sendeirismo, pazos ou calquera outro lugar de interese turístico. O visitante poderá profundar na información sobre a igrexa que ten diante ou o roteiro que leste percorrendo, ademais de poder acceder ao resto da información turística.
Relacionadas:
-
Sanxenxo contratará por uns 50.000 euros o acondicionamento de 23 praias
Por Redacción |
-
Dos 312 selos Q de Calidade que hai en toda Galicia, 52 son de Sanxenxo
Por Oskar Viéitez |
-
Telmo Martín destaca a experiencia de Sanxenxo na presentación do Campionato do Mundo de Vela
Por Oskar Viéitez |
-
Poio participará en Fitur formando parte do stand da Red de Pueblos Mágicos de España
Por Oskar Viéitez |
-
'Non todo vai ser sufrir!': Así é o vídeo que Pontevedra leva a Fitur
Por Alejandro Espiño |
-
Tres folletos, unha nova web e un código QR para promocionar Sanxenxo
Por Redacción |
-
Fitur premia o audiovisual 'Sigue o teu instinto' da Deputación
Por Oskar Viéitez |