Limpan e airean a area dos parques infantís para mellorar a súa salubridade e a súa vida útil
Por Redacción
A Concellaría de Parques e Xardíns está a traballar nestes días na hixienización dos parques infantís de area do municipio. Concretamente, estes labores comezaron xa en Barcelos, Mollabao e no Parque da Seta de Campolongo, no centro urbano, no Miradoiro e na rúa Portugal en Monte Porreiro, así como nos parques das parroquias de Tomeza e Praceres.
Os traballos consisten en limpar e airear a area do parque. Son traballos habituais, que se realizan polo menos dúas veces ao ano, que se fan co obxectivo de mellorar a vida útil destas áreas infantís. Xeralmente realízase outra limpeza cara a primavera ou o verán.
Aproveitando estes traballos de saneamento dos parques de area, a Concellaría arranxará e substituirá varias pezas dos xogos infantís do Parque da Seta de Campolongo.