Os casos activos de covid non frean o seu ascenso e son xa 7.494 tras unha xornada con 507 novos contaxios
Por Diego Espiño
Unha xornada máis a Área Sanitaria de Pontevedra e O Salnés marca o seu máximo rexistro histórico de casos activos de coronavirus, con 7.494, segundo reflicte este venres 7 de xaneiro o balance diario ofrecido polo Servizo Galego de Saúde.
Esta cifra supón un incremento de 140 casos na última xornada, atenuado por un elevado número de altas epidemiolóxicas (367 persoas superaron a infección), xa que foron 507 os novos contaxios sumados ás estatísticas.
En canto á atención hospitalaria, son 48 as persoas infectadas que se atopan ingresadas, das cales 8 evolucionan na Unidade de Coidados Intensivos de Montecelo e 40 fano en planta repartidas entre o Complexo Hospitalario Universitario de Pontevedra (33), o Hospital do Salnés (3) e o Hospital QuirónSalud Miguel Domínguez (4).
Desde o inicio da pandemia superaron a covid 25.270 persoas na área pontevedresa, rexistrándose 234 falecementos de pacientes con positivo activo, os últimos notificados este xoves, un home de 91 anos no Hospital do Salnés e outro home de 90 anos en Montecelo.
En canto á realización de probas nas últimas 24 horas o Sergas fixo 1.616 PCR en Pontevedra e O Salnés.
Relacionadas:
-
Pequeno descenso do ritmo de contaxios na área sanitaria, que detecta 324 novos casos nun día
Por Natalia Puga |
-
Dúas novas mortes con covid elevan a cinco os decesos coa infección na área sanitaria esta semana
Por Redacción |
-
Avanza o incremento de casos activos, con 307 máis, chegando a 7.354 na área sanitaria
Por Mónica Patxot & Anxo Lourido |
-
Un home de 69 anos, terceiro falecido con covid-19 esta semana na área sanitaria
Por Natalia Puga |
-
A área sanitaria afrontará a noite de Reis cun novo récord: 7.047 casos activos
Por Redacción |