Vilagarcía manterá a cabalgata de Reis pero reforzará a seguridade
Por Redacción
A pesar das novas restricións aprobadas pola Xunta de Galicia polo aumento dos contaxios, o Concello de Vilagarcía sigue adiante coa tradicional cabalgata de Reis do próximo día 5. Iso si, introducirá algunhas modificacións a fin de garantir ao máximo a seguridade.
O Concello confía na colaboración dos veciños no cumprimento das normas en canto ao uso da máscara, por exemplo, tendo en conta que se trata dun evento especialmente esperado e sentido polos máis pequenos da casa.
Esas modificacións daranse a coñecer nas vindeiras xornadas pero, en principio e salvo que a evolución da pandemia aconsellara o contrario, a intención de celebrar a cabalgata -dinámica, non estática- mantense.
O que si está confirmado de calquera xeito é que os días 2, 3 e 4 os Reis ofrecerán a súa recepción aos nenos e nenas que o desexen na praza da Peixería, con cita previa e gratuíta.
Para obtela, a través da plataforma Woutick, só hai que indicar que día e que hora se desexa: o domingo 2, o luns 3 ou o martes 4, entre as 16 e as 21 horas, con franxas de media hora.
Relacionadas:
-
Vilagarcía anuncia como será a súa Cabalgata de Reis en movemento
Por Redacción |
-
Comeza en Vilagarcía toda a programación de Nadal, con luces, xardíns efémeros, Fexturrón e circo
Por Redacción |
-
Un Circo de Nadal que xa percorreu medio mundo anima a programación festiva de Vilagarcía
Por Redacción |
-
Papa Noel prenderá o alumeado de Nadal en Vilagarcía con banda de música e un espectáculo de pompas de xabón
Por Oskar Viéitez |