Case doce millóns investirá a Deputación en 2022 nos concellos da área de Pontevedra
Ata 11,6 millóns de euros. Ese é o montante dos investimentos que ao longo de 2022 fará a Deputación nos dez concellos da área de Pontevedra. Será a través do Plan Concellos (8,5 millóns) e o Plan ReacPon (3,1 millóns), avanzou a súa presidenta, Carmela Silva.
A este diñeiro haberá que sumar, ademais, os convenios directos cos concellos ou os programas que se impulsan a través das diferentes áreas de goberno.
"É un investimento como nunca se fixo nesta Deputación", sinalou Silva nun almorzo informativo celebrado en Combarro, para "transformar a provincia" tras a pandemia.
Sete destes municipios, Poio, Ponte Caldelas, Caldas de Reis, Cuntis, Cerdedo-Cotobade, A Lama e Moraña, recibirán diñeiro dos dous principais plans investidores do executivo provincial, mentres que Portas, Barro e Campo Lameiro farano a través do Plan Concellos.
Entre as novas obras, Carmela Silva citou a rehabilitación dos núcleos de Saíñas e A Puntada (Poio) con 753.000 euros, o acondicionamento da área do río Bermaña (Caldas) con 493.000 euros ou a reforma da praza Frei Antonio Orge (Ponte Caldelas) con 420.000 euros.
A reurbanización das rúas Olimpio Arca e Xoán Xesús (Cuntis) recibirá 497.000 euros, mentres que 392.000 euros serán para a reforma da casa do concello (Cerdedo-Cotobade), 176.000 euros para a humanización da Rúa 6 e o camiño a Mos (Moraña) e 412.000 euros para a mellora da seguridade viaria na rúa Miguel Carbajal e a estrada a Fraga (A Lama).
Todos estes investimentos sumaranse aos 68,3 millóns de euros que, desde 2015, destinou a Deputación de Pontevedra a estes dez municipios, onde se financiaron máis de 400 obras ou 214 actividades socioculturais e creáronse 853 empregos.
Este esforzo investidor da Deputación, que segundo lembrou Silva destina o 35% do seu orzamento aos concellos, foi "fundamental" para que os gobernos municipais pudieran manter servizos e "mellorar a vida da súa xente".
Ademais, a presidenta destacou o apoio que o seu goberno ofreceu aos concellos para redactar os seus plans de mobilidade urbana sostible (PMUS) e para avanzar na redacción de proxectos, no marco do Plan Ágora.
Ambas as cuestións, apuntou a dirixente socialista, serán básicas para que os concellos poidan optar en 2022 tanto ás axudas dos fondos europeos como ás liñas e programas que se impulsen desde o Estado español.
Relacionadas:
-
A Lama estrea a súa renovada casa do concello
Por Redacción |
-
O PP acusa á Deputación de ripar medio millón de euros a Cerdedo-Cotobade na repartición de fondos do Plan Concellos
Por Manu Otero |
-
32 contratos temporais reforzarán os servizos que ofrece o Concello
Por Redacción |
-
A mellora da área do Río Bermaña, a 'guinda' á transformación urbana de Caldas
Por Redacción |
-
A reforma das Saíñas e da Puntada incluirá unha senda peonil entre Pontevedra e Lourido
Por Alejandro Espiño |
-
A rúa Miguel Carbajal da Lama terá plataforma única e prioridade peonil
Por Redacción |
-
Case medio millón de euros para darlle unha nova imaxe á casa consistorial de Cotobade
Por Redacción |
-
O núcleo de Moraña reformarase co Plan ReacPon da Deputación
Por Oskar Viéitez |
-
Aposta pola "mobilidade amable" para as rúas Olimpio Arca e Xoán Xesús González de Cuntis
Por Redacción & Mónica Patxot |
-
Convenio para renovar o espazo público na Praza Frei Antonio Orge
Por Mónica Patxot & Redacción |
-
Millón e medio de euros para peonalizar a Praza do Regueiro na Illa de Arousa
Por Redacción |
-
O Concello de Moraña adxudicará a vindeira semana a humanización da Rúa 7, que terá prioridade peonil
Por Redacción |
-
A Deputación investiu no Morrazo máis de 48 millóns de euros nos últimos 6 anos
Por Oskar Viéitez |