O BNG insta á Xunta a paralizar o parque eólico dos Cotos
Por Oskar Viéitez
O grupo parlamentario do BNG presentou unha proposición non de lei coa que pretende que o Parlamento inste á Xunta a paralizar a tramitación do parque eólico dos Cotos, en Cerdedo-Cotobade.
O Bloque tamén pide que se abra un proceso de participación e diálogo para a elaboración dunha nova planificación do sector eólico que sexa "respectuosa co medio e coas comunidades locais, xusta, social, sustentábel, e que responda aos intereses do noso país e da veciñanza do rural".
A maiores da proposición non de lei, o deputado nacionalista Luis Bará preguntará no Parlamento "se considera normal o goberno galego someter a información pública o parque eólico dos Cotos en pleno período de Nadal e con só 15 días para a consulta da documentación e a presentación de alegacións".
Tamén quere saber cando tivo coñecemento o concello de Cerdedo-Cotobade da aprobación do citado parque eólico e que reunións houbo entre representantes da Xunta e do concello despois da aprobación do parque como iniciativa empresarial prioritaria o 21 de outubro de 2021.
Por último, o BNG quere saber se vai ter en conta o goberno galego o rexeitamento social maioritario e a oposición das comunidades de montes afectadas ao proxecto do parque dos Cotos ou se "vai o goberno galego pasar por riba dos intereses da veciñanza de Cerdedo-Cotobade para favorecer os intereses dunha empresa privada".
Relacionadas:
-
Andrés Díaz critica a "falta de compromiso de Cerdedo-Cotobade" contra o parque eólico dos Cotos
Por Redacción |
-
Discusión entre os gobernos de Cerdedo-Cotobade e Ponte Caldelas polo proxecto de parque éolico dos Cotos
Por Redacción |
-
Queixas do PSOE pola "mala fe" da Xunta ao abrir as alegacións ao parque eólico dos Cotos o día de Noiteboa
Por Redacción |
-
Ponte Caldelas e Cerdedo-Cotobade coinciden no seu rexeitamento ao proxecto eólico dos Cotos
Por Redacción |
-
A mobilización contra o Parque Eólico dos Cotos será o domingo 9 en Carballedo
Por Oskar Viéitez | Creada e actualizada
-
Mobilización social en Cotobade fronte ao Parque Eólico dos Cotos
Por Oskar Viéitez |
-
O Concello de Ponte Caldelas informará desfavorablemente ó Parque Eólico dos Cotos
Por Oskar Viéitez |