As altas non compensan os novos contaxios e a área rebasa os 2.000 casos activos
Por Alejandro Espiño
A pesar do elevado número de altas rexistrado nas últimas 24 horas, ata 74, os novos contaxios impiden que se reduza a incidencia da pandemia na área sanitaria. Hai 162 novos infectados, o que leva os casos activos ata os 2.016. Son 88 máis que onte.
O número de pacientes ingresados nos tres hospitais da área, pola súa banda, redúcese e pasa das 47 persoas atendidas con coronavirus que había este martes ás 43 de hoxe.
Montecelo ten 29 pacientes ingresados en planta de hospitalización, mentres que outros catro están no Hospital do Salnés e tres no QuirónSalud Miguel Domínguez.
Os pacientes máis graves son outros sete que están ingresados na UCI de Montecelo.
O resto dos que contraeron o virus, outras 1.973 persoas, atópanse illadas nos seus domicilios e baixo supervisión médica.
Desde o inicio da pandemia 21.910 pacientes da área sanitaria superaron a covid-19, 74 nas últimas 24 horas, e rexistráronse 213 falecementos asociados ao virus. O último, o dunha muller de 78 anos que estaba ingresada en Montecelo.
En canto á realización de probas PCR, fixéronse na área sanitaria de Pontevedra e O Salnés un total de 333.640, 1.565 nas últimas horas. A elas súmanse as 167.969 probas de antíxenos e outras 112.681 probas de detección da covid-19.
INCIDENCIA EN GALICIA
O número de casos de coronavirus en Galicia, pola súa banda, é de 13.331, 639 máis que o día anterior. Deles 1.886 son da área da Coruña, 834 da de Lugo, 2.783 da de Ourense, 2.016 da de Pontevedra, 4.319 da de Vigo, 996 da de Santiago e 497 da de Ferrol.
Do total de pacientes positivos, 53 están en UCI, 218 en unidades de hospitalización e 13.060 no domicilio. Por agora, en Galicia hai un total de 187.332 persoas curadas, rexistrándose 2.710 falecementos.
Desde o inicio da pandemia realizáronse en Galicia 3.114.859 probas PCR, 10.305 nas últimas 24 horas, que permitiron detectar 1.131 novos infectados.
Relacionadas:
-
Segundo falecemento asociado á covid esta semana no CHOP, o dun home de 66 anos
Por Diego Espiño |
-
171 novos contaxios elevan os casos activos na área sanitaria de Pontevedra ata os 2.105
Por Alejandro Espiño |
-
Os centros educativos da área sanitaria notifican un total de 411 casos activos na última semana
Por Oskar Viéitez |
-
Falece unha muller de 78 anos en Montecelo con covid-19, vítima 213 na área desde o inicio da pandemia
Por Redacción |
-
O alcalde de Vilagarcía, positivo en covid-19
Por Redacción |
-
Os casos activos por covid-19 rozan os dous mil e os hospitalizados soben a 47
Por Alejandro Espiño |