A rehabilitación da casa consistorial interesa a tres empresas
Por Redacción
Copcisa ou a UTE Prace-Emergis, por lado, e Ramírez-Revivis polo outro. Unha das tres será a encargada de transformar a vella casa consistorial da Praza de España nun edificio moderno, accesible e aberto á cidadanía de Pontevedra.
Estas son as tres propostas que recibiu o Concello para executar o proxecto de rehabilitación integral deste nobre edificio, obras que saíron a contratación por 1,36 millóns de euros e cun prazo de execución de doce meses.
Nesta primeira fase do proceso, os pregos obrigaban ás empresas interesadas na adxudicación a ter unha certificación específica para rehabilitación de edificios históricos.
Nas vindeiras semanas será realizada a valoración técnica de cada proposta, para logo abrir as ofertas económicas coa intención de realizar unha ponderación entre ambos factores e escoller a proposta de adxudicación final.
O Concello agarda que este proceso poida rematar mesmo antes de que remate este ano.
Desde o goberno municipal recordan que tras esta rehabilitación, esta reformada casa consistorial será a casa de todos os veciños e veciñas da cidade e para iso terá unha funcionalidade múltiple, destinada non só a usos institucionais, senón tamén a se converter nun gran centro social.
Relacionadas:
-
A impactante luz do edificio de Sesmero que as reformas da Casa Consistorial ocultou
Por Natalia Puga & Mónica Patxot |
-
Unha empresa de Pontevedra e outra de Portugal, man a man na rehabilitación da casa consistorial
Por Redacción |
-
O goberno provincial aproba o convenio para a rehabilitación interior da casa consistorial
Por Oskar Viéitez |
-
A rehabilitación da casa consistorial ascenderá finalmente a 1,36 millóns de euros
Por Alejandro Espiño |
-
A reforma da antiga Casa do Concello licitarase nun mes e estará rematada no 2022
Por Manu Otero & Mónica Patxot |