Cinco árbores luminosas dan a benvida a Ponte Caldelas durante o Nadal
Por Redacción
Ponte Caldelas acendeu este venres o alumeado de Nadal, co que busca manter a ilusión dos veciños nestas datas e animar as compras dos agasallos típicas desta época do ano.
A principal novidade é que estarán iluminadas todas as rotondas do municipio, nunha aposta por estender a decoración de Nadal polo rural do municipio.
Deste xeito, as rotondas de A Reigosa, Cuñas, Pazos, Caritel e Forzáns contan con chamativas árbores que, ademais de encher de espírito de Nadal estes lugares do rural, dan a benvida a todos os visitantes do municipio.
Ademais da tradicional árbore da Praza do Bispo e das luces nas camelias, a Praza de España acolle unha estrela xigante, unha bola na que se pode entrar a modo de photocall e unha caixa de regalo.
Por outra banda, na Praza de Placeres Castellanos Pan hai varias árbores baixas, iluminouse con máis intensidade a ponte de madeira e tamén hai iluminación nas principais rúas da vila e as tradicionais bolas colgantes da Alameda, entre outros motivos.
Relacionadas:
-
Andrés Díaz anuncia unha redución de bombillas e horarios de iluminación para este Nadal
Por Redacción |
-
Un coche de cabalos achegará a Papá Noel a Ponte Caldelas
Por Redacción |
-
Inauguran na rectoral do Sagrado Corazón de Ponte Caldelas un belén de mil pezas
Por Redacción |
-
Comprar en Nadal en Ponte Caldelas terá premio
Por Redacción |
-
Haberá axudas en Ponte Caldelas para os regalos de Nadal de familias vulnerables
Por Redacción |
-
O Nadal chega este venres a Ponte Caldelas co acendido da iluminación
Por Redacción |