O Nadal de Meaño homenaxea ao sector do viño
Por Redacción
O Concello de Meaño aproveitará este ano a iluminación de Nadal para render unha homenaxe ao sector do viño, tan presente tanto na economía local como na fisonomía do municipio.
Si o ano pasado o equipo do alcalde Carlos Viéitez optou por un corazón de grandes dimensións que simbolizaba a unión de todas as parroquias como elemento ornamental principal, este ano a novidade será unha botella de grandes dimensións cunha copa iluminada con luces de cores.
Con ela, o goberno local fai un xesto de agarimo ao sector e unha invitación á cidadanía meañesa para que esta Nadal brinde con albariño elaborado en Meaño nos encontros familiares.
Esta composición artística acenderase inicialmente na praza do Concello aínda que esta non será a súa localización definitiva.
Meaño conta con 25 adegas, de diferentes tamaños, no seu termo municipal que marcan unha paisaxe identificativa infestada de viñedos; un sector que xera emprego e que contribúe de maneira decisiva coa actividade social e cultural dos meañeses.
"Gustaríanos que esta composición alcanzase a mesma repercusión que o corazón de Meaño, que este ano tamén nos acompañará en Nadal", explica o alcalde, Carlos Viéitez.
Meaño non compite con Vigo en número de lámpadas acesas esta Nadal pero se en orixinalidade e creatividade.
Relacionadas:
-
Meaño amplía o vial entre Pedreira, Barreiro e Picón
Por Redacción |
-
'Agasallas reciclado? Crea economía local', campaña de Nadal de Boa Vida
Por Redacción |
-
Marín converterase nunha vila de Nadal desde o 3 de decembro
Por Redacción |
-
Un Circo de Nadal que xa percorreu medio mundo anima a programación festiva de Vilagarcía
Por Redacción |
-
Os Reis Magos virán a Pontevedra, por primeira vez, sen animais vivos na cabalgata
Por Alejandro Espiño |