Os bombeiros alertan da situación "crítica" do parque de Pontevedra por falta de persoal
Por Redacción
A falta de persoal que sufre o parque de bombeiros de Pontevedra, segundo denuncian os sindicatos CC.OO, UGT e CIG, está a provocar problemas no funcionamento do servizo.
Aseguran que se están a incumprir os servizos mínimos que deben de estar de garda, "expoñendo ao persoal a un maior risco de accidente e reducindo a eficacia e operatividade nas intervencións, poñendo nun maior perigo á cidadanía".
Os sindicatos denuncian que "en reiteradas ocasións" non se chega ao mínimo establecido para cumprir cos procedementos de traballo implantados no servizo, pero a noite de martes a mércores "baixou a mínimos históricos" con só un mando, un telefonista, un condutor e un bombeiro.
A solución por parte da xefatura do servizo, sinalan os traballadores, é que, en caso de necesitar máis persoal para unha intervención, se chame ao 112 e se soliciten medios ao parque comarcal do Salnés, cuxo traxecto ao centro levaríalle 30 minutos.
As tres centrais sindicais reiteran que a situación de persoal no parque de bombeiros de Pontevedra "é crítica" ante a carga de traballo "excesiva" e a falta de efectivos.
Desde o Concello, segundo os sindicatos, non se pensa en aumentar o persoal municipal senón impoñer un incremento de 122 horas anuais máis por efectivo no calendario anual de traballo.
Relacionadas:
-
A Xunta de Persoal do Concello sopesa a convocatoria de folga por "un conflicto laboral con la totalidad de la plantilla"
Por Diego Espiño |
-
O parque de bombeiros de Pontevedra estrea as súas renovadas instalacións
Por Redacción & Mónica Patxot |
-
O Concello, disposto a negociar cos bombeiros pero ve "ben dimensionado" o parque
Por Alejandro Espiño |
-
Veciños de Monte Porreiro, funcionarios e bombeiros únense para denunciar a "falta de diálogo" do goberno municipal
Por Alejandro Espiño & Mónica Patxot |
-
Medio millón de euros e catro meses de obras para reformar o parque de Bombeiros
Por Redacción |
-
Pontevedra rexistrou en 2020 unha media de seis incendios urbanos cada mes
Por Alejandro Espiño |