O centro de saúde de Moraña terá unha nova consulta e cinco salas polivalentes
Por Redacción
A reforma e ampliación do centro de saúde de Moraña é unha actuación que a Xunta de Galicia incluíu no seu plan de infraestruturas sanitarias.
"Para nós é unha gran nova que este compromiso da Xunta sexa unha realidade, xa que mellorará a capacidade asistencial do noso centro de saúde, polo que estamos moi satisfeitos", asegurou o alcalde, José Cela.
O centro de saúde de Moraña, que atende a unhas 3.800 persoas, foi construído no 1987 pero presenta unha serie de necesidades que é preciso atender de cara a potenciar a prestación dos servizos sanitarios con toda a calidade posible.
O actual centro non dispón de locais suficientes para atender ao número de usuarios e algúns deles presentan problemas de accesibilidade ou dimensións insuficientes.
Ademais, dotar ao centro de novas consultas de profesionais é un dos obxectivos deste proxecto, polo que será obrigado reestruturar a súa actual distribución.
Os espazos que se contemplan para a ampliación do centro de saúde son unha nova consulta de Medicina, unha sala de técnicas, unha sala polivalente e unha sala de docencia. Tamén se prevé a creación dunha sala de xuntas e outra para o descanso do persoal.
Relacionadas:
-
Concentración en defensa da Atención Primaria ante o centro de saúde de Moraña
Por Redacción |
-
Sanidade reclama a Caldas, O Grove, Poio, Barro e Meis terreos para os novos centros de saúde
Por Redacción |
-
O BNG critica que se anuncie a ampliación do centro de saúde de Moraña sen solucionar a falta de persoal
Por Redacción |
-
Anuncian a reforma de dez centros de saúde na área sanitaria antes de que finalice 2021
Por Redacción |
-
A ampliación do centro de saúde, na 'carteira' de investimentos da Xunta en Moraña
Por Redacción |