Convocan para o 13 de novembro os expropiados do desdobramento da Avenida de Vigo
Por Redacción
Unha Xunta de Goberno extraordinaria aprobou este mércores, definitivamente, o proceso expropiatorio por taxación conxunta do desdobramento da avenida de Vigo.
Con este trámite, o Concello convoca á relación de expropiados para o vindeiro 13 de novembro para a sinatura de actas de pago de ocupación.
Trátase dunha superficie total de 7.923 metros cadrados que estaban valorados polo Concello en 1.368.409,32 euros.
Xa eran propiedade municipal 13 parcelas, e neste novo proceso expropiatorio entran outras 10 con superficie moi variable, dende a finca número 15 con 4.810 metros ata a máis pequena, a número 7, de 28,86 metros cadrados.
Tras este acto e a partir do día 15, o Concello poderase considerar propietario dos terreos permitindo a súa ocupación para executar as obras do desdobramento, independentemente de que os particulares poidan recorrer á vía contenciosa ou polo xurado de expropiación.
Relacionadas:
-
O Concello incluirá a mellora da avenida de Vigo na licitación das obras do desdobramento
Por Oskar Viéitez | Creada e actualizada
-
Aprobado o proceso de expropiación forzosa para o desdobramento da avenida de Vigo
Por Redacción |
-
Desatáscanse as expropiacións para o desdobramento da Avenida de Vigo
Por Alejandro Espiño |