Recupérase a tendencia descendente na cifra de casos activos e ingresos por covid-19
Por Redacción
Dous pacientes permanecen ingresados en planta de hospitalización do Hospital Montecelo, un menos que este luns, e outras dúas persoas continúan con covid-19 na Unidade de Coidados Críticos do Complexo Hospitalario Universitario de Pontevedra.
A Consellería de Sanidade notifica 61 casos activos nesta xornada na área sanitaria de Pontevedra e O Salnés, trátase de catro menos que durante o luns 4. Destes casos, 57 persoas recupéranse nas súas vivendas.
Non se rexistraron falecementos con esta enfermidade durante os últimos días, polo que a cifra de vítimas da pandemia na área continúa sendo de 205 pacientes. Curáronse catro persoas máis, chegando o número a 21.162 enfermos recuperados da enfermidade.
Durante as últimas 24 horas realizáronse 171 probas PCR entre a poboación da zona e detectouse un só novo contaxio.
DATOS EN GALICIA
Ao longo da última xornada, en Galicia notificáronse 24 novos positivos. Son catro casos diarios menos respecto a os rexistrados este luns e cinco menos en relación ao martes da semana pasada.
O número total de casos activos na comunidade sitúase en 715, 26 menos que hai un día, repartidos desta forma por áreas sanitarias: A Coruña-Cee: 179 (-); Vigo: 132 (-11); Lugo: 121 (+2); Ourense: 117 (-9); Santiago-O Barbanza: 85 (-3); Pontevedra-O Salnés: 61 (-4); e Ferrol: 20 (-1).
O número de persoas hospitalizadas descende establecéndose en 54 enfermos, dous menos que onte. Con todo, aumenta o número de ingresados nas UCI alcanzando a cifra de 13 pacientes, un máis que o luns. Non se rexistraron novos falecementos durante as últimas horas, polo que a cifra de vítimas en Galicia por mor da pandemia mantense en 2-639 persoas.
Relacionadas:
-
Xa só hai 56 pacientes con coronavirus na área sanitaria
Por Oskar Viéitez |
-
Galicia camiña cara a normalidade con aforos ao 90% e reunións sociais más amplas
Por Alejandro Espiño |
-
O Sergas tratará de "convencer" a aquelas persoas que non quixeron recibir a vacina
Por Oskar Viéitez |
-
Lixeiro incremento de casos activos e de ingresos hospitalarios por covid-19 na área sanitaria
Por Redacción |
-
Osdriana Seco, de 32 anos, última persoa en recibir a vacina no Recinto Feiral
Por Redacción |