O Partido Popular de Pontevedra pon o foco nas pintadas contra as forzas e corpos de seguridade do Estado que presentan a fachada dalgúns edificios municipais.

A concelleira Pepa Pardo rexistrou este luns un escrito solicitando a limpeza inmediata dunha serie de grafitis ofensivos cara a Policía realizadas na fachada do edificio administrativo do Concello na rúa Michelena e nas instalacións do centro deportivo municipal en Campolongo.

En ambas as localizacións pódese observar o acrónimo ACAB, All cops are bastards, en galego, "todos os policías son bastardos".

Engaden desde a formación popular que "condenamos rotundamente todas estas pintadas, que son totalmente ofensivas e incitan ao odio. Non só reprobamos estas pintadas, senón que queremos enviar o noso apoio total tanto á Policía Nacional como ao resto de corpos de seguridade do Estado", dixo Pardo. 

O PP solicita o borrado das pintadas e que ademais, desde o goberno local, se conden de maneira unánime estes actos vandálicos: “Esta corporación debe mostrar o seu apoio á Policía e ao resto de corpos que tan gran labor realizan todos os días do ano ao servizo da cidadanía".