A senda do Río Bispo será ampliada ata o lavadoiro da Portela
Por Redacción
Preto de 40.000 euros investirá o goberno municipal de Bueu nunha actuación que permitirá ampliar a senda do Río Bispo ata o ata o lavadoiro da Portela.
Esta obra, financiada con cargo ao Plan Concellos da Deputación de Pontevedra, dará continuidade ao tramo urbano que se preparou hai uns anos e será executada pola empresa EC Casas, segundo informa o Concello.
O alcalde, Félix Juncal, destacou que "estamos diante dun proxecto de grande interese para a cidadanía e do que xa nos comprometeramos coa veciñanza da zona a comezos do verán".
Os traballos acondicionarán máis dun quilómetro de camiño, a través da limpeza e preparación do camiño con xabre e a colocación de paneis interpretativos e báculos de distancias.
O obxectivo desta actuación, engadiu o alcalde, é revalorizar un espazo "que se utilizaba como punto de reunión cando se lavaba a roupa e se mazaba o liño".
Relacionadas:
-
O treito entre Trasouto e Alto da Portela na PO-551 estrea a súa senda peonil e ciclista
Por Redacción |
-
Visita técnica previa ás obras de ampliación da senda do río Bispo
Por Redacción |
-
Piden o control dos cans na contorna do río Bispo para protexer os patos silvestres
Por Redacción |
-
Bueu estuda mellorar a rúa Pazos Fontenla en colaboración con Augas de Galicia
Por Redacción |