A terceira dose da vacina contra a covid-19 xa chegou a todas as residencias pontevedresas en tan só unha semana
Por Natalia Puga
Os maiores usuarios de centros sociosanitarios e residencias da área sanitaria de Pontevedra e O Salnés que o desexan xa teñen a terceira dose da vacina contra a covid-19. Son, en total, 1.292.
Así o deu a coñecer este mércores a Consellería de Sanidade, que sinalou que xa rematou a administración das terceiras doses da vacina no conxunto de centros sociosanitarios pertencentes ás áreas de Santiago de Compostela-Barbanza, Ferrol, Lugo, A Mariña e Monforte de Lemos, Vigo e Pontevedra e O Salnés.
A vacinación da terceira dose completouse na área pontevedresa nunha soa semana. Así, o proceso comezou na residencia de Campolongo o pasado mércores 22 de setembro e este mércores 29 deuse por rematada despois de administrar 1.292 doses.
Por outra banda, a área sanitaria pontevedresa tamén facilitou este mércores os datos sobre a situación da vacinación, dos que se desprende que o 93,38% da poboación da área sanitaria maior de 12 anos ten algunha dose da vacina e o 91,23% ten a pauta completa.
Segundo os datos oficiais, un total de 256.359 persoas teñen algunha dose. En total, subministráronse 479.387 doses na área sanitaria.
A pauta completa xa a teñen 256.359 persoas e a primeira dose nada máis, 5.914, o 2,15% da poboación pontevedresa en idade de vacinarse.
Relacionadas:
-
As vacinas déronnos un respiro fronte á pandemia
Por Alejandro Espiño |
-
O Sergas citará a 1.000 maiores de 80 anos ao día para a terceira dose da vacina da covid e a antigripal
Por Redacción |
-
Os centros de maiores públicos de Galicia converteranse en "residencias intelixentes"
Por Oskar Viéitez |
-
Este domingo pechan os centros de vacinación masiva do Recinto Feiral e Fexdega
Por Oskar Viéitez |
-
Galicia recupera o 'certificado covid' para o lecer nocturno
Por Alejandro Espiño |
-
Sanidade administra 1.800 doses de vacina na fin de semana, entre pacientes sen cita, residencias e autocita
Por Redacción |