Máis aforo para o lecer nocturno, que poderá abrir ata as catro da madrugada
Por Alejandro Espiño
Non será inminente, porque terá que validalo o comité clínico a próxima semana, pero a Xunta de Galicia e o sector do lecer nocturno acordaron novos pasos para que pubs e discotecas vaian encamiñándose cara a unha total normalidade.
Aínda que o sector tivo que rebaixar as súas pretensións iniciais, o consenso alcanzado coa administración supoñerá o aumento dos aforos. Os locais de lecer nocturno poderán abrir cunha capacidade máxima do 75%, fronte ao 50% que lles permiten actualmente.
Ademais, poderán estar abertos unha hora máis, ata as catro da madrugada.
Trátase, segundo ambas as partes dun protocolo de transición ata que a situación epidemiolóxica sexa máis favorable e se poidan eliminar practicamente todas as restricións.
Para a aplicación deste protocolo, a Xunta quere recuperar o uso do certificado covid como requisito para acceder a estes locais, pero prevé solicitar o amparo xudicial.
Aínda que o Tribunal Supremo xa avalou que poida usar en determinadas situacións e contextos epidemiolóxicos, falta por concretar se se pode empregar como condición para acceder a pubs e discotecas.
A Xunta e o sector volverán reunirse o vindeiro luns para pechar os flocos do protocolo.
Relacionadas:
-
A Discoteca La Luna, pechada durante 18 meses pola pandemia, volverá abrir en novembro
Por Manu Otero & Mónica Patxot |
-
Luz verde á flexibilización do lecer nocturno, que abrirá ata as 4 da madrugada cun aforo do 75%
Por Manu Otero |
-
Galicia recupera o 'certificado covid' para o lecer nocturno
Por Alejandro Espiño |
-
Xa se pode pedir cita para vacinarse a través de WhatsApp
Por Oskar Viéitez |
-
Sanidade está pendente do visto e prace a Pfizer para empezar a vacinar aos menores de 12 anos
Por Oskar Viéitez & Mónica Patxot |
-
Galicia aumenta ao 75% o aforo en eventos culturais e actos sociais
Por Oskar Viéitez & Mónica Patxot |