Leroy Merlin, Decathlon e Eroski estarán no novo polígono do Vao
Por Alejandro Espiño
Tras unha tramitación administrativa que parecía interminable, cada vez está máis preto o momento no que será realidade a ampliación do polígono comercial do Vao.
Varias firmas comerciais presentaron xa ante o Concello de Pontevedra a correspondente licenza de actividade para poder asentarse no novo polígono.
Entre elas, segundo revelou o edil de Urbanismo, Xaquín Moreda, atópanse Leroy Merlin, a multinacional de produtos de bricolaxe, decoración e construción; a empresa Decathlon, especializada en material deportivo; ou a firma de alimentación Eroski.
Ademais, tamén confirmaron a súa presenza no Vao a compañía danesa JYSK, centrada na venda de mobles e enxoval de fogar; Norauto, dedicada á automoción; e Tiendanimal, unha cadea de produtos para mascotas.
Todas estas empresas, salvo o concesionario, compartirán unha gran nave comercial que se construirá na parte principal do polígono, mentres que o primeiro ocupará unha nave e menor tamaño, adecuada á súa actividade.
Moreda explicou que a inmobiliaria Ponteno, responsable deste polígono, xa poden urbanizar todo este espazo.
A súa intención é executar a urbanización do polígono e a construción das naves de maneira simultánea, para poder recortar prazos e abrilo ao público canto antes.
Relacionadas:
-
Concedida a licenza da última nave do Vao onde se instalarán Decathlon, Kiwoko, JYSK, Leroy Merlín e Eroski
Por Redacción |
-
Novo atraso de seis meses nas obras de ampliación do polígono do Vao
Por Natalia Puga |
-
Tramitan as licenzas para Norauto, Eroski, Leroy Merlin, Kiwoko, Jysk e Decathlon no polígono do Vao
Por Oskar Viéitez |
-
O Carrefour de A Barca bota o peche en xuño e instalarase un supermercado Eroski
Por Natalia Puga |
-
Prevén que a ampliación do polígono do Vao estea urbanizada no segundo semestre de 2022
Por Alejandro Espiño |
-
Retoman a tramitación do polígono do Vao tras ano e medio parado por un informe
Por Redacción |