Prohibido estacionar no aparcadoiro de Mollavao para que poidan rehabilitalo
Por Redacción
A partir deste xoves 23 de setembro quedará prohibido estacionar no aparcadoiro disuasorio situado en Mollavao, preto da ponte da autoestrada. Será só de maneira temporal, para permitir que o Concello poida realizar actuacións de rehabilitación do espazo.
A rehabilitación comezará este xoves, pero ao longo da xornada deste mércores xa quedarán instalados os valados que impedirán aparcar.
Está previsto que o aparcadoiro permaneza pechado un mínimo de tres semanas, ata que remate a actuación. O traballo da posta do xabre e a súa compactación depende en gran medida das incidencias meteorolóxicas, de modo que a data exacta de fin dos traballos non se pode coñecer.
Estes traballos son "a única fórmula para asegurar que a actuación perdure no tempo".
A actuación correrá a cargo da empresa E. C. Casas e incluirá o acondicionamento do espazo e tarefas de roza e limpeza.
Relacionadas:
-
O aparcadoiro de Mollavao reabrirá o próximo mercores
Por Redacción |
-
O estacionamento de Mollavao seguirá pechado dúas semanas para asentar o novo firme
Por Alejandro Espiño & Mónica Patxot |
-
Dous aparcamentos disuasorios de aspecto marciano
Por Manu Otero & Mónica Patxot |
-
A agrupación veciñal Mollabao Sí! aplaude a reforma do barrio e propón algunhas melloras
Por Oskar Viéitez |
-
O Concello negocia con Costas a cesión de terreos en Ponte Sampaio, Mollabao, Malvar e na contorna do Pavillón
Por Redacción |