O Partido Socialista xa ten a cabeza nas próximas eleccións municipais de 2023
Por Redacción
O secretario xeral provincial, David Regades, mantivo unha xuntanza con cargos municipais e orgánicos das comarcas de Pontevedra, O Morrazo e Ulla-Umia na que quedou clara a necesidade de saír á rúa e retomar o contacto despois da pandemia
O PSdeG-PSOE xa ten a cabeza nas próximas eleccións municipais "na provincia máis socialista de Galicia, na que ostenta un total de 23 Alcaldías e goberna a 600.000 dos seus 900.000 habitantes". Así o expresou Regades.
O encontro sentou as bases das próximas Eleccións Municipais de 2023, nas que "os concellos destas comarcas xóganse continuar avanzando coa axenda progresista que marcan as Alcaldías socialistas e unha Deputación envorcada en impulsar a provincia".
"Queremos pedirlle á xente que vote polas alcaldesas e alcaldes socialistas, pero tamén explicarlles que coa súa papeleta escollen, ademais, entre o 'modelo Carmela Silva', ou sexa unha Deputación moderna que financia 500 obras ao ano en tódolos municipios da provincia e atrae fondos europeos, ou unha Deputación 'tipo Louzán' e 'tipo Baltar', ao servizo exclusivo do PP", dixo Regades.
Durante o encontro deuse conta tamén dos avances no proceso para a designación da lista que acudirá ao Congreso Federal de Valencia, a mediados do próximo mes de outubro, que estará encabezada polo alcalde de Vigo, Abel Caballero, e pechada polo secretario xeral galego, Gonzalo Caballero.
Relacionadas:
-
Regades afirma que o Partido Socialista volverá gañar as Eleccións Municipais en 2023
Por Redacción |
-
Gonzalo Caballero rexeita "baronías e virreinatos" nun PSOE galego "no que decide a militancia"
Por Redacción & Mónica Patxot |
-
O PSOE anuncia a lista de delegados por Pontevedra no seu próximo Congreso Federal
Por Mónica Patxot & Redacción |
-
Regades responde a Feijóo: "Non se pode normalizar os insultos a unha muller"
Por Redacción |
-
Regades critica que a postura de Feijóo sobre Ence é "desconcertante": "xa tivo catro"
Por Redacción |