Rexistrados dous pequenos terremotos en Ponte Caldelas
Por Redacción
O Instituto Xeográfico Nacional (IXN), rexistrou dous pequenos terremotos con epicentro no noroeste do municipio de Ponte Caldelas.
Non hai constancia de que estes tremores fosen sentidos pola poboación.
Segundo os datos facilitados polo IXN, o primeiro terremoto rexistrouse ás 23.38 horas do pasado venres día 10 de setembro, a 31 quilómetros de profundidade e cunha magnitude mbLg de 1,8 graos.
O segundo tremor rexistrouse ás 11.40 da mañá do sábado, 11 de setembro, a 15 quilómetros de profundidade e coa mesma magnitude.