O concelleiro de Obras Urbanas destaca que "o nivel de esixencia que temos os veciños de Pontevedra é moi elevado"
Por Oskar Viéitez
O concelleiro de Obras Urbanas e Mobilidade de Pontevedra, Demetrio Gómez referiuse ás queixas de veciños de Campolongo e A Parda polo estado que presentan estes barrios onde denuncian a falta de limpeza, a deterioración das beirarrúas e o mobiliario urbano, escasa iluminación pública, presenza de maleza ou falta de coidado dos xardíns, entre outras deficiencias.
Demetrio Gómez lembrou que o Concello de Pontevedra durante este mandato "está a facer un esforzo moi grande no sostemento dos espazos públicos para mantelos en boas condiciones pero, evidentemente, isto non dá para atender a todos os barrios ao mesmo tempo".
O edil nacionalista asegurou que se actuará en todos os barrios. A día de hoxe iniciáronse traballos na urbanización de Monte Porreiro "onde tamén había queixas e por suposto atenderanse tamén as dos veciños do barrio da Parda e de Campolongo".
"O nivel de esixencia que temos os veciños de Pontevedra é moi elevado. Está moi ben que os veciños teñan este espírito construtivo que nos fai saber as deficiencias que hai en cada barrio. Tentaremos atendelas todas", dixo Gómez Xunqueira que pediu "unha pouquiña paciencia" á cidadanía "porque seguro, seguro, que imos chegar".
O concelleiro de Obras apuntou que a existencia de grandes proxectos con importantes investimentos económicos nalgunhas zonas da cidade como Loureiro Crespo ou Monte Porreiro "iso non quita que de cando en vez haxa que ir facer labores de mantemento ou reparacións segundo sexa necesario".
Relacionadas:
-
Elsamex encargarase do mantemento dos espazos públicos por 726.000 euros anuais
Por Mónica Patxot & Anxo Lourido |
-
O Concello ve "imprescindible" actuar na rúa Alemaña pero se abre a cambios no proxecto
Por Redacción |
-
Veciños de Campolongo reclaman o arranxo urxente das pistas deportivas
Por María José Pita |
-
Denuncian falta de luz e mal estado das beirarrúas en Campolongo: "pones mal el bastón y te vas al suelo"
Por Almu Dapena & Mónica Patxot |
-
"As ratas cómennos os cables, quedamos sen Internet e quedaremos sen luz", denuncia unha veciña de Fuentesanta
Por Mónica Patxot & María José Pita |