Descenso continuado do número de pacientes ingresados e casos activos na área sanitaria
Por Redacción
A área sanitaria de Pontevedra-O Salnés prosegue o descenso do número de persoas afectadas pola covid-19. Desta forma, comeza o mes de setembro cun descenso no número de enfermos hospitalizados e de casos activos.
Neste mércores 1, a xerencia do Complexo Hospitalario Universitario informa da presenza de oito pacientes diagnosticados con coronavirus en planta de hospitalización, dúas menos que na xornada do martes. Cinco atópanse no Hospital Montecelo, tres no Hospital do Salnés e ningún no Hospital QuirónSalud. Ademais, permanecen cinco pacientes graves na Unidade de Coidados Críticos de Montecelo, o mesmo número que nos últimos días.
En canto a casos activos, o descenso é menor que en días anteriores pero a cifra sitúase en 529 na área sanitaria, con 28 positivos menos que o martes. Desta cifra, 516 enfermos recupéranse nos seus domicilios.
Non se rexistraron novos falecementos nas últimas horas, polo que a cifra total de mortes derivadas da pandemia mantense en 201 vítimas. Desde o inicio do plan de continxencia curáronse 20.433 pacientes, 42 máis que na xornada do martes.
Realizáronse 775 probas PCR nas que se detectaron 12 positivos, aos que hai que sumar outros dous novos casos, sendo 14 o número de novas infeccións rexistradas.
DATOS EN GALICIA
Segundo os datos ofrecidos pola Consellería de Sanidade, durante este mércores rexístranse 7.812 casos activos, 210 menos que na xornada do martes. Detectáronse 329 novos positivos. O número de persoas falecidas é de 2.570, con catro decesos máis notificados por Saúde Pública nas últimas horas.
156 persoas permanecen hospitalizadas e 52 pacientes mantéñense en Coidados Intensivos.
Por áreas sanitarias, o número de casos activos é o seguinte: A Coruña 1993; Lugo 1402; Vigo 1347; Santiago 1317; Ourense 695; Ferrol 529; e Pontevedra 529.
Relacionadas:
-
Setembro remata na área sanitaria con 456 casos de covid-19 menos que cos que empezou
Por Natalia Puga |
-
Ascende lixeiramente o número de ingresados covid na área onde se manteñen cinco pacientes na UCI
Por Redacción |
-
Sanidade citará para vacinarse a persoas que pasaran a covid-19 recentemente
Por Alejandro Espiño |
-
Bueu, Poio e Sanxenxo, únicos concellos da área no nivel medio de restricións
Por Alejandro Espiño |
-
Pechan sete puntos de xestión administrativa da covid-19 e só funcionarán en Pontevedra e Vilagarcía
Por Redacción |
-
O Sergas cita 3.500 veciños de Sanxenxo de 15 a 39 anos para un novo cribado
Por Redacción |
-
Baixa a presión hospitalaria reducíndose a cifra de pacientes covid a 15 ingresados na área
Por Redacción |