Poio esixirá a Abanca manter a oficina de Campelo e instalar un caixeiro en Raxó
Por Redacción
O goberno municipal de Poio manterá a próxima semana unha xuntanza cos responsables territoriais de Abanca para abordar con eles o recorte dos servizos que a entidade bancaria presta actualmente no municipio.
Nese encontro, o Concello esixirá que se manteñan operativas todas as sucursais das que Abanca dispón en Poio, especialmente a de Campelo, que o banco quere pechar en setembro, trasladando todo o servizo a Combarro.
Ademais, pediranlle que instalen un caixeiro automático en Raxó, un servizo do que a veciñanza carece desde o peche da oficina hai máis dun lustro.
Con respecto ao futuro da oficina de Campelo, o Concello convocou a todo o tecido asociativo de San Xoán para abordar esta problemática. Esta zona do municipio quedaría só con un caixeiro automático e sen atención ao público. Será a partir das 20.00 horas, no local sociocultural de Campelo.
A reunión terá lugar un día despois do pleno convocado para o xoves, ás 19.30 horas, no que, entre outros temas, prevese a aprobación dunha moción impulsada desde o goberno municipal na que se postula en contra da medida tomada de xeito unilateral por Abanca.
En caso de que esta decisión continúe adiante, o Concello aposta pola cancelación das súas contas nesta entidade. Precisamente, un dos temas a tratar na reunión do venres será animar ao tecido asociativo a que tamén se sume a esta medida.
Relacionadas:
-
Instalan un caixeiro automático en Raxó dez anos despois do peche da oficina bancaria
Por Oskar Viéitez |
-
Aviso de Poio a Abanca: "Estamos en pé. A oficina de Campelo non se pecha
Por Alejandro Espiño & Mónica Patxot |
-
O Concello chama á mobilización veciñal logo da negativa de Abanca a manter operativa a oficina de Campelo
Por Redacción |
-
Mobilización en Campelo o 3 de setembro contra o peche da sucursal de Abanca
Por Redacción |
-
Moción conxunta da Corporación de Poio para tentar frear o peche de Abanca en Campelo
Por Redacción |
-
Nova vítima do 'éxodo' bancario: Portas queda sen a súa única oficina de Abanca
Por Redacción |
-
"Vai realizar a Xunta algunha xestión para evitar o peche de Abanca en Campelo?", pregunta o PSOE
Por Redacción |
-
O Concello de Poio prevé cancelar as súas contas en Abanca e informará para que se faga extensiva no municipio
Por Redacción |
-
Abanca anuncia que en setembro pechará a oficina de Campelo
Por Redacción |