Crespóns negros no comercio de Campo Lameiro polo peche da sucursal de Abanca
Por Redacción
Os comercios de Campo Lameiro amenceron este mércores decorados con crespóns negros como protesta pola decisión de Abanca de pechar a única oficina bancaria existente no municipio a partir do vindeiro 8 de setembro.
Secundan así as mobilizacións e actos de protesta convocados en Campo Lameiro, que terán o seu acto principal este venres 27 de agosto cunha manifestación que sairá ás 20:30 horas desde a Praza do Concello ata a sucursal de Abanca.
Os comerciantes pecharán unha hora antes da manifestación os seus negocios para poder acudir a esta mobilización e contribuír a que a asistencia sexa masiva.
Xunto con estes crespóns negros, no centro da vila penduran desde hai días máis de media ducia de pancartas colocadas polo Concello censurando esta decisión da entidade bancaria.
Os organizadores da manifestación, impulsada polos tres grupos políticos que forman a corporación -PP, PSOE e PorVir- remitiron unha carta aos veciños e veciñas da vila para animalos a participar na manifestación do venres.
Recordan que o peche desta sucursal deixa nunha delicada situación económica e social a todo o municipio.
Relacionadas:
-
Colapsan a oficina de Abanca en Campo Lameiro presentando reclamacións
Por Redacción |
-
Campo Lameiro iniciará accións xudiciais contra Abanca por danos e prexuízos á veciñanza
Por Redacción |
-
Un milleiro de berros contra o peche de Abanca: "Escotet, escoita, Campo Lameiro está en loita"
Por Redacción |
-
Nova vítima do 'éxodo' bancario: Portas queda sen a súa única oficina de Abanca
Por Redacción |
-
Campo Lameiro redobrará a presión sobre Abanca tras a súa negativa a manter aberta a súa sucursal
Por Redacción |
-
Reclamación do BNG á Xunta para que presione sobre Abanca e evite o peche de oficinas
Por Redacción |
-
Escotet será 'persoa non grata' en Campo Lameiro se pecha a oficina de Abanca no municipio
Por Redacción |
-
Campo Lameiro súmase á lista de peches de oficinas de Abanca
Por Redacción |