Ofrecen Príncipe Felipe para acoller un máximo de 35 refuxiados afgáns
Por Alejandro Espiño
Ata 35 refuxiados afgáns ofrécese a acoller a Deputación de Pontevedra para axudar a resolver esta crise humanitaria, segundo confirmou por carta a institución provincial á Federación Galega de Municipios e Provincias (Fegamp).
A deputación pontevedresa poñerá ao dispor destes refuxiados a residencia da cidade deportiva do centro Príncipe Felipe, en Pontevedra.
Serían un máximo de 22 persoas de forma individual, cifra que podería incrementarse ata eses 35 refuxiados se os acollidos son unidades familiares que formen grupos burbulla.
"Queremos cooperar na acollida das persoas que necesiten asilo en España", sinalou a presidenta da Deputación de Pontevedra, Carmela Silva.
Neste ofrecemento, explicou Silva, tivéronse en conta os recursos existentes e os condicionantes derivados da pandemia, para poder garantir os protocolos de protección e prevención sanitaria neste centro de carácter social.
A Fegamp comezou este martes para recompilar información sobre a dispoñibilidade das distintas entidades da administración municipal para poder organizar o operativo de acollida en colaboración coas autoridades competentes.
Relacionadas:
-
A investigadora e activista Massouda Kohistani falará en Pontevedra da situación das mulleres en Afganistán
Por Oskar Viéitez |
-
Vilagarcía ofrécese a acoller refuxiados afgáns
Por Redacción |
-
Concentración en Bueu en defensa dos dereitos das mulleres afgás
Por Redacción |
-
Adeus a Afganistán, a misión que apontoou o prestixio da Brilat
Por Natalia Puga & Mónica Patxot |