Piden a destitución de José Ramón Gómez por ser o "peor xerente posible" da área sanitaria
Por Redacción
A Delegación da Confederación Estatal de Sindicatos Médicos en Galicia (CESM) pide a Julio García Comesaña, conselleiro de Sanidade, que destitúa ao xerente da área sanitaria de Pontevedra-O Salnés, José Ramón Gómez Fernández, e a todo o seu equipo directivo ante "o elevado nivel de incompetencia demostrado e a nefasta xestión realizada, por mor dos diversos gromos de covid-19 que xurdiron en distintos servizos profesionais nos hospitais pontevedreses".
Sinalan que, só con esta decisión de relevar no cargo á xerencia, García Comesaña demostrará que antepon as súas responsabilidades técnico-sanitarias aos intereses políticos. Este sindicato considera que o conselleiro menospreza, ata o de agora, a traballadores e usuarios desta área sanitaria. Afirman que José Ramón Gómez é o "peor xerente posible no momento máis crítico que atravesa a sanidade pública na área de Pontevedra".
O CESM denuncia que a Atención Primaria e as Urxencias desta zona atópanse nunha situación lamentable pola falta de persoal, cando a demanda multiplícase en localidades turísticas como é o caso do PAC de Baltar no municipio de Sanxenxo. Para este colectivo, nese centro a situación asistencial é "insostible".
Lamentan os "graves acontecementos" provocados cando o alcalde de Sanxenxo, Telmo Martín, acusou os profesionais do PAC de Baltar de facer política e desatender as súas funcións. O sindicato reprocha ao conselleiro García Comesaña que se aliñase co rexedor da vila turística en lugar de "posicionarse ao lado do seu propio persoal". Segundo entenden, esa actitude mostra unha "total deslealdade e falta de respecto cara aos seus profesionais e cara a todos os usuarios da área sanitaria".
Relacionadas:
-
Sindicatos Médicos asegura que a Xerencia da área sanitaria "só pretende desgastar a sanidade pública en aras a outros intereses"
Por Oskar Viéitez |
-
Protesta do persoal dos nove PAC da área sanitaria polas quendas impostas: "no hay cuerpo que lo aguante"
Por Anxo Lourido |
-
Aumentan os ingresos e os pacientes na UCI por covid na área sanitaria antes da fin de semana
Por Redacción | Creada e actualizada
-
Alertan de que o único médico do Centro de Saúde de Vilalonga atende a máis de 60 persoas diarias por quenda
Por Redacción |
-
Gonzalo Caballero demanda á Xunta fortalecer os servizos públicos cos cartos do fondo anticovid do Goberno de España
Por Oskar Viéitez |
-
Os profesionais sanitarios plántanse ante a continua sobrecarga de traballo de cada verán
Por Manu Otero & Mónica Patxot |
-
Convocan concentracións pola "mala xestión dos recursos humanos" na Sanidade Pública
Por Oskar Viéitez |
-
Piden a dimisión do alcalde de Sanxenxo por acusar os sanitarios de Baltar de desatender o seu traballo
Por Redacción | Creada e actualizada
-
Situación "límite" da Atención Primaria no Salnés con centros de saúde "a piques do colapso"
Por Alejandro Espiño |