Os casos activos de covid seguen en descenso pero a UCI de Montecelo sobe a súa ocupación ata os 8 ingresados
Por Diego Espiño
A Área Sanitaria de Pontevedra e O Salnés conta a martes 10 de agosto con 2.029 casos activos de covid, o que supón un descenso de 80 con respecto á xornada anterior.
Segundo informa o Servizo Galego de Saúde nas últimas 24 horas sumáronse ás estatísticas 69 novos contaxios, amortecidos polas 149 altas epidemiolóxicas dadas que manteñen a tendencia á baixa na afectación xeral.
As cifras que soben por segundo día consecutivo son as que afectan os hospitais da comarca, nos que permanecen ingresados 36 pacientes positivos por coronavirus (dous máis). Deles 8 evolucionan na Unidade de Coidados Intensivos de Montecelo, e o resto fano en planta repartidos entre o Complexo Hospitalario Universitario de Pontevedra (24), o Hospital do Salnés (3) e o Hospital QuirónSalud Miguel Domínguez (1).
Desde o inicio da pandemia superaron o virus 17.985 pacientes da área sanitaria, rexistrándose 191 falecementos de pacientes con positivo activo.
O Sergas sinala ademais que ao longo da última xornada realizáronse 441 probas PCR.
DATOS DE GALICIA
Segundo informa a Dirección Xeral de Saúde Pública o número de casos activos de coronavirus en Galicia sitúase nos 16.471 (-353), dos que 4.599 (-20) son da área da Coruña, 1.834 (-80) de Lugo, 1.234 (-41) de Ourense, 2.029 (-80) de Pontevedra, 4.026 (-72) da área de Vigo, 1.753 (-51) de Santiago e 996 (-9) da de Ferrol.
Do total positivos, 54 evolucionan na UCI (-1), 291 en unidades de hospitalización (+5) e 16.126 no seu domicilio.
En Galicia rexistráronse 2.494 falecementos de persoas con positivo activo por coronavirus (+1).
Relacionadas:
-
Os casos activos de covid seguen á baixa a pesar de detectarse 100 novos contaxios no último día
Por Diego Espiño |
-
Os casos activos de covid baixan da barreira dos dous milleiros e redúcense a 31 os hospitalizados
Por Diego Espiño |
-
García Comesaña advirte do perigo de contaxios ante a chegada dunha fin de semana de festas populares
Por Anxo Lourido |
-
Convocadas 4.848 personas para vacinarse este martes no Recinto Feiral de Pontevedra
Por Oskar Viéitez |
-
Soben en cinco as hospitalizacións por covid nun día, con 27 ingresados en planta e sete na UCI
Por Diego Espiño |
-
Balance de coronavirus na área sanitaria ao 8 de agosto: 2.186 casos activos e 29 persoas hospitalizadas
Por Diego Espiño |
-
Falece en Montecelo un home de 91 anos positivo por covid, a vítima 191 desde o inicio a pandemia
Por Diego Espiño |