![](/web/cache/scene/uploads/fotos/foto/1f8/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/610ec8f4b7-asemblea-vecin-al-parroquia-arda-n.jpg)
© Plataforma pola Defensa do Centro de Saúde de Seixo
A Plataforma pola Defensa do Centro de Saúde de Seixo convoca unha nova protesta para o día 12 de agosto
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Despois de celebrar asembleas veciñais en varias parroquias, a Plataforma pola Defensa do Centro de Saúde de Seixo acordou volver mobilizarse ante os "graves problemas na atención sanitaria á veciñanza previstos para o 15 de agosto polos recortes en persoal médico da Xunta".
A Plataforma, que agrupa a 18 colectivos e asociacións das parroquias de Santomé de Piñeiro, O Campo, Ardán e Seixo, convocou unha nova protesta que terá lugar o próximo 12 de agosto ás 19.00 horas ante o Concello de Marín, durante a celebración do pleno da corporación municipal.
Desde o colectivo sinalan que "faremos todo o que estea na nosa man para parar estes recortes", sen descartar acudir á vía xudicial.
Ademais engaden que a partir de agora "só vai haber 4 horas de médico para unha cota e o resto do tempo non haberá ningún facultativo, e máis de 1.000 persoas quedarán sen posibilidade de solicitar unha cita".
Estes recortes, aseguran, "conlevarán maiores problemas no Centro de Saúde de Marín e peor asistencia sanitaria en todo o Concello".
Relacionadas:
-
A Plataforma de Seixo denuncia ante a Valedora do Pobo a vulneración do dereito á protección da saúde
Por Oskar Viéitez |
-
Mobilización veciñal contra os recortes na Atención Primaria no centro de saúde de Seixo
Por Redacción |
-
BNG e PSOE apoian as demandas veciñais de defensa do centro de saúde de Seixo
Por Redacción |
-
Sanidade confirma que se manterá a actividade asistencial no centro de saúde de Seixo
Por Redacción |
-
Seixo sae á rúa en defensa do centro de saúde
Por Oskar Viéitez |