O Concello e a Xunta reparten case 2,7 millóns entre a hostalería e sectores afectados pola covid en Sanxenxo
Por Oskar Viéitez
As axudas directas de 1.000 euros achegadas polo Concello de Sanxenxo aos establecementos de hostalería para compensar os prexuízos económicos ocasionados pola Covid comezaron a abonarse. En total, beneficiaranse 353 locais.
Esta repartición viuse axilizada tras o convenio asinado coa Xunta de Galicia para fixar os criterios baixo os cales os hostaleiros puideron optar a estas subvencións.
Son case 2,3 millóns que a Xunta repartiu entre autónomos, microempresas, hostaleiros e outros sectores do municipio afectados polas restricións sanitarias.
Entre elas, recentemente, no caso do sector hostaleiro do municipio, foron tramitadas 30 solicitudes para a mellora de terrazas e paquetería para envío a domicilio que supuxo máis de 354.000 euros.
Esta orde supuxo o 80 % do investimento en axudas directas a autónomos e pemes de menos de 50 traballadores, desde un mínimo de 1.500 euros dos gastos ata un máximo de 25.000 euros.
Relacionadas:
-
A hostalería de Sanxenxo deberá cumprir a ordenanza de terrazas despois de meses parada pola pandemia
Por Redacción |
-
Máis de trescentos hostaleiros de Sanxenxo recibirán axudas directas pola covid-19
Por Redacción |
-
Feijoo defende en Sanxenxo que Galicia é un destino turístico seguro
Por Redacción |
-
Piden que o orzamento municipal recolla 2.000.000 de euros para axudas directas ao sector hostaleiro
Por Redacción |
-
17 restaurantes e cafeterías de Sanxenxo recibirán axudas autonómicas para acondicionar terrazas ou vender a domicilio
Por Redacción |