"A maioría de rúas teñen nome de homes. En Pontevedra isto está mudando"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
"A maioría de rúas teñen nome de homes. En Pontevedra isto está mudando". Son os dous primeiros enunciados que a tiktoker María Rúa (pradorua) sinala no seu último vídeo, amparado baixo o paraugas do programa ‘A memoria das mulleres’, iniciado polo Concello de Pontevedra.
A influencer galega utiliza a música das Tanxugueiras para apoiar a mensaxe que quere transmitir, e lembrar que no rueiro da cidade, xunto con outros espazos públicos, as mulleres están cada vez máis visibles. Rúa ilustra isto con imaxes dos últimos murais feitos na cidade, e sinalando algunhas das mulleres ilustres que xa contan con representación na cidade como Amalia Álvarez, Josefina Arruti, María Victoria Moreno, Concepción Arenal; animando a seguir loitando por unha representación máis xusta e igualitaria.
A peza audiovisual queda enmarcada na filosofía base de ‘Memoria das mulleres’ que é a da difusión da loita antifascista e da traxectoria das mulleres pontevedresas entre o público máis novo, utilizando as plataformas e recursos propios da mocidade pontevedresa actual.
O proxecto da Concellaría de Memoria Histórica xa difundiu un total de seis vídeos deste tipo, onde as tiktokers galegas Laura Franco, Leti da Taberna e María Rúa poñen voz e imaxe a situacións de índole histórica ou social como Ence o drama da draga ou a defensa da lingua e a loita contra os tópicos máis comúns.
A de hoxe é a sexta peza, polo que aínda quedarán dúas máis por seren estreadas nas vindeiras semanas, até alcanzar os oito vídeos publicados.
Relacionadas:
-
RADIO.- A exitosa tiktoker IreniusX debuta no mercado editorial con 'Poción de autoamor'
Por Redacción |
-
María Rúa, Helena López e Sara Seco divulgarán en Tik-Tok A Memoria das Mulleres
Por Redacción |
-
Derradeiro vídeo en Tik-Tok de Memoria das Mulleres para lembrar nomes "que fixeron historia"
Por Redacción |
-
As traballadoras pontevedresas do mar chegan a TikTok
Por Redacción |
-
Un xogo interactivo invita a coñecer a historia das mulleres de Pontevedra
Por Redacción |
-
O 'drama da draga', nova historia de "A memoria das mulleres" en TikTok
Por Redacción |
-
A loita polo Pazo de Meirás chega a Tik Tok a través de 'A memoria das mulleres'
Por Redacción |
-
Novo vídeo de 'A Memoria das Mulleres' en Tik Tok corrixindo erros históricos: "lerchas non, eran loitadoras"
Por Anxo Lourido |
-
O Tik Tok de ‘A memoria das mulleres’ sae en defensa da lingua galega
Por Redacción |
-
"Aínda vai ser Castelao o home de Virxinia Pereira. Ubiquémonos", así se reivindica a Memoria das Mulleres en Tik Tok
Por Anxo Lourido |