Falecen dúas persoas, ambas de 88 anos, no Hospital Montecelo con covid-19
Por Redacción
Unha muller de 88 anos e un home da mesma idade, diagnosticados por coronavirus, falecían nas últimas horas no Hospital Montecelo de Pontevedra, segundo o parte ofrecido pola Consellería de Sanidade este venres 30 de xullo.
As dúas vítimas presentaban enfermidades previas nos seus expedientes clínicos. Con estas dúas mortes, a cifra de persoas falecidas a partir do inicio do plan de continxencia ascende a 184.
Desde que comezaron a rexistrarse datos da evolución da pandemia, nesta área sanitaria de Pontevedra-O Salnés curánronse 15.748 pacientes que pasaron a enfermidade, 177 máis durante a última xornada.
A estas dúas mortes hai que sumar outra vítima con covid-19 en Galicia, comunicada este venres polas autoridades sanitarias. Trátase dunha muller, de 92 anos, que perdía a vida no Complexo Hospitalario da Coruña. Tamén contaba con patoloxías previas no seu historial médico.
No conxunto da comunidade, o número de decesos por esta enfermidade sitúase en 2.460 persoas. Desde que comezaron a detectarse casos, en Galicia curáronse 134.418 persoas, segundo os datos facilitados pola Consellería que dirixe Julio García Comesaña.
Relacionadas:
-
Agosto comeza con 41 persoas hospitalizadas e 2.947 casos covid activos na área sanitaria
Por Redacción | Creada e actualizada
-
Unha muller de 92 anos, vítima 185 na área sanitaria como consecuencia da pandemia
Por Cristina Saiz & Anxo Lourido |
-
Continúan seis pacientes na UCI e baixa lixeiramente o número de hospitalizados por covid-19
Por Redacción | Creada e actualizada
-
Habilitan espazos para realizar xestións relacionadas coa covid en nove localidades da área sanitaria
Por Redacción |
-
Denuncia penal do Colexio de Médicos á área sanitaria de Pontevedra pola sobrecarga da Atención Primaria
Por Redacción |
-
A curva dispárase na área sanitaria: nove pacientes máis no hospital e 203 novos positivos nunha soa xornada
Por Natalia Puga | Creada e actualizada