Adxudicada a obra para dotar de saneamento ao lugar de Covadalaxe en Samieira
Por Redacción
Na última sesión da Xunta de Goberno Local de Poio aprobouse a adxudicación dos traballos para levar o abastecemento e dotar de saneamento ao lugar de Covadalaxe, na parroquia de Samieira. O proxecto foi adxudicado á empresa Narom Sociedad Limitada e conta cun orzamento de 25.686,84 euros.
A concelleira de Obras e Servizos Municipais e tenente de alcalde de Poio, Chelo Besada, visitaba este venres o lugar de Covadalaxe, onde explicaba que un total de oito empresas presentaron ofertas para realizar as obras, que incluirán, ademais da instalación das tubaxes, a mellora do pavimento.
Estes traballos forman parte dun proxecto global por parte da Concellería de Obras co fin de dotar deste tipo de servizos a diferentes puntos do rural do concello.
Neste sentido, a tenente de alcalde recorda que ao longo das últimas semanas tamén se executaron actuacións similares noutros lugares, como é o caso do Camiño Salgueiral ou o Camiño da Bouza, onde os traballos xa están a piques de rematar.
"Continuamos coa nosa folla de ruta para seguir incrementando a porcentaxe de territorio do municipio que conte con saneamento e abastecemento, que xa está por riba do 95%", engadiu Chelo Besada, para a continuación sinalar que o Concello de Poio leva investido nestas actuacións preto de 60.000 euros nos últimos meses.
Relacionadas:
-
Poio culmina melloras na contorna do igrexario de Samieira
Por Redacción |
-
Rematan os traballos para dotar de servizos básicos a un núcleo de vivendas da Bouza
Por Redacción |
-
O saneamento do núcleo poiense de San Martiño completarase a partir do outono
Por Redacción |
-
Poio inicia as obras de saneamento no lugar da Bouza e recibe unha sanción por un vertido en Saíñas
Por Oskar Viéitez |
-
A mellora do saneamento na Seca e no porto de Campelo custará máis de tres millóns
Por Redacción |
-
Poio destinará máis de 700.000 euros en obras de humanización e recuperación de núcleos tradicionais
Por Redacción |
-
Construcciones Caldevergazo mellorará o saneamento na zona de Chancelas
Por Oskar Viéitez |