Rueda lamenta que as bonificacións nas peaxes da AP-9 non atendan as demandas dos transportistas
Por Redacción
Alfonso Rueda, vicepresidente primeiro da Xunta, espera que o Estado aplique de maneira "inmediata" as bonificacións da AP-9 anunciadas este luns pola ministra de Transporte. O representante autonómico lembrou que estas medidas foron anunciadas en outubro e que os galegos pagan as peaxes máis caras de España.
Considera "completamente insuficiente o 20% de desconto para o tráfico pesado" e por este motivo, o vicepresidente da Xunta lamenta que non se atendan as demandas do sector do transporte que reclamaba unha bonificación do 60%.
Rueda asistía este luns ao acto da Coruña en que se presentaban as medidas do Goberno do Estado para rebaixar as peaxes e sinalou que o prezo das autoestradas estaba a se converter nun problema para familias, traballadores e empresas.
CONCELLO DE PONTEVEDRA
No acto coincidiu coa alcaldesa en funcións de Pontevedra, Eva Vilaverde. Desde o Concello consideran que estes anuncios realizados polo Goberno estatal son un avance significativo.
Anabel Gulías, portavoz municipal do Concello, manifestaba que consideran que se trata dun primeiro paso nunha reivindicación histórica de Pontevedra e Galicia. Entenden que se trata duns avances "valorables" á espera de que continúen traballando na gratuidade da peaxe da AP-9.
Relacionadas:
-
Rafa Domínguez lamenta que o tramo da AP-9 entre Pontevedra e Vigo sexa o único sen rebaixa
Por Redacción |
-
Activan as bonificacións da AP-9: desde mañá, a volta será gratis para vehículos lixeiros con telepeaxe
Por Redacción |
-
Alfonso Rueda aspira a continuar como presidente do Partido Popular provincial
Por Redacción |
-
O Goberno agarda que as novas bonificacións na AP-9 sexan efectivas esta semana
Por Redacción |
-
O Goberno autoriza a senda de gasto que permitirá as bonificacións de peaxes na AP-9 ata 2048
Por Natalia Puga |
-
Pilar Rojo cre que o PSOE está en contra de que a autoestrada AP-9 sexa galega
Por Oskar Viéitez |