Seixo prepárase para as súas festas de verán
Por Redacción
Despois dos días grandes das Festas do Carme, Seixo prepárase para coller a testemuña nas celebracións o venres 23 e o sábado 24 de xullo.
Os concelleiros Pablo Novas e Raquel Soage presentaron a programación festiva da parroquia acompañados de Manuel Solla, tesoureiro da Asociación de Comerciantes Marín Sur (ACEMAS).
As actuacións, a música e as actividades infantís serán protagonistas destas festas.
Así, esta previsto que o venres 23 ás 23.00 horas a contorna da Praza de Abastos conte coa animación musical do grupo Los Coleguitas. Pola súa banda o sábado de 11.00 a 14.00 horas haberá actividades infantís na Alameda e a partir das 12-30 horas ambientación musical a cargo de Os Saljariteiros na Praza de Seixo.
Por último, xa de noite, a Banda de Música Musimarín ofrecerá un concerto ás 21.00 horas e máis tarde, ás 23.00 horas, será o grupo Raúl & Cía o encargado de poñer o peche á programación na contorna da Praza de Abastos.
Relacionadas:
-
As festas de Seixo e o Día de Galicia animarán a fin de semana en Marín
Por Redacción |
-
A música de Dvicio anima a véspera do Día do Carme en Marín
Por Redacción & Cristina Saiz |
-
Arrancan as Festas do Carme de Marín, cun ollo posto nas restricións pola pandemia
Por Redacción |
-
Toda a programación das Festas do Carme xa está dispoñible nun clic
Por Redacción |
-
Marín aposta por un verán 'con xeito'
Por Redacción |