A Asociación Irmandade Illa de Tambo suspende as visitas guiadas
Por Redacción
Adeus, de momento, ás visitas guiadas para coñecer a illa de Tambo.
Así o comunicou a Asociación Irmandade Illa de Tambo, encargada destas visitas e de dar a coñecer o patrimonio deste lugar privilexiado da ría de Pontevedra. Todo "debido a problemas da xestión dese territorio que impiden a total seguridade no desenvolvemento das visitas", explican.
Ante esta situación "non podemos asumir esa actividade", desexando que se acelere o traspaso de titularidade de Tambo para que sexa o Concello de Poio como entidade administrativa a que se encargue de organizar novas visitas e tamén de canalizar as solicitudes para coñecer este enclave histórico.
A Asociación Irmandade Illa de Tambo agradece o interese recibido ao longo dos últimos anos, nos que segundo os seus cálculos máis de 4.000 persoas de todas as idades chegaron a visitala illa en grupos reducidos.
Relacionadas:
-
Volven as visitas guiadas á illa de Tambo
Por Redacción |
-
Ao redor de 200 persoas asistiron en liña á xornada dedicada á illa de Tambo
Por Redacción |
-
Cal é o valor patrimonial da Illa de Tambo?
Por Redacción |
-
A apertura de Tambo avanza co compromiso de Poio a asumir a titularidade da illa
Por Redacción |