Deteñen un pontevedrés por roubar cables e canalizacións das antigas instalacións de ENCE en Campañó
Por Natalia Puga
A Policía Nacional acababa de deter o presunto autor dun roubo rexistrado o pasado 31 de xullo nas antigas instalacións de Ence na parroquia pontevedresa de Campaño, agora en desuso e abandonadas dende hai anos. Supostamente substraeu cableado, os marcos das fiestras e canalizacións.
Segundo informou a Policía Nacional, o detido é un veciño de Pontevedra de 31 anos con antecedentes policiais e está acusado dun delito de roubo con forza. Para acceder á nave forzou primeiro o enreixado metálico que preto o recinto e logo todas as portas de acceso ao inmoble.
Unha vez no interior, substraeu supostamente os marcos de aluminio das fiestras, cable eléctrico de diversas dependencias e canalizacións de varias zonas da nave.
Fontes da empresa indicaron que nas instalacións non hai xa ningún tipo de maquinaria especializada nin outros obxectos de valor que puidesen ser subtraídos, pois foi durante anos sede da Dirección de Investigación e Tecnoloxía de Ence e agora pertence á súa filial Norfor, pero está en desuso.
Ence denunciou o roubo en xullo, a Policía Nacional abriu unha investigacióin e deu os seus froitos este xoves 10 de outubro, sobre as 9.15 horas, coa identificación e detención do suposto autor. Unha vez en dependencias policiais, tramitouse o correspondente atestado policial e o detido foi posto a disposición xudicial.