Máis de trescentos hostaleiros de Sanxenxo recibirán axudas directas pola covid-19
Por Redacción
Un total de 353 establecementos de hostalería de Sanxenxo recibirán unha axuda directa de 1.000 euros para compensar os prexuízos ocasionados pola pandemia da covid-19.
Ata o momento concedéronse as axudas a 343 establecementos e dez están pendentes de emendar a documentación que presentaron, segundo informa o goberno municipal, que confían en completar este proceso nos próximos días.
A achega municipal ascenderá, por tanto, a uns 353.000 euros. A súa repartición viuse axilizado, segundo o Concello, tras o convenio asinado coa Xunta de Galicia para fixar os criterios baixo os cales os hostaleiros puideron optar a estas subvencións.
A estas axudas, engade o goberno municipal, súmanse os case 2,3 millóns que a Xunta repartiu entre autónomos, microempresas, hostaleiros e outros sectores do municipio afectados polas restricións sanitarias.
Relacionadas:
-
O Concello e a Xunta reparten case 2,7 millóns entre a hostalería e sectores afectados pola covid en Sanxenxo
Por Oskar Viéitez |
-
Sanxenxo alerta de que novas restricións poden "truncar" a recuperación económica
Por Redacción |
-
Os establecementos hostaleiros de Sanxenxo reciben as axudas para mellorar as terrazas
Por Redacción |