Sesenta e seis novos contaxiados elevan a 663 os casos activos por covid-19 na área sanitaria
Por Alejandro Espiño
Un día máis, os novos contaxios por covid-19 superaron con fartura o medio centenar. En concreto, foron 66 os infectados detectados nas últimas 24 horas. Con eles, a área sanitaria de Pontevedra e O Salnés sitúase en 663. Son 48 máis que onte.
O número de pacientes hospitalizados, pola contra, mantense sen cambios. Hai 14 persoas atendidas entre os tres hospitais da área sanitaria.
A maioría deles (8) están en planta, en Montecelo, mentres que hai dúas no Hospital do Salnés. Non hai pacientes con covid-19 no QuirónSalud Miguel Domínguez de Pontevedra.
Os outro catro hospitalizados, en estado máis grave, atópanse ingresados na unidade de coidados críticos (UCI) de Montecelo.
O resto dos que contraeron o virus, outras 649 persoas, atópanse illadas nos seus domicilios e recuperándose baixo supervisión médica.
Desde o inicio da pandemia 14.298 pacientes da área sanitaria superaron a covid-19, 18 nas últimas 24 horas, e rexistráronse 181 falecementos asociados ao virus.
En canto á realización de probas PCR, fixéronse na área sanitaria de Pontevedra e O Salnés un total de 255.536, 971 nas últimas horas. Delas, 71 deron positivo (7,31%). A estas probas súmanse as 88.491 probas de antíxenos e outras 94.932 probas de detección realizadas ata a data.
INCIDENCIA EN GALICIA
A nivel autonómico a Dirección Xeral de Saúde Pública informa que o número de casos activos de coronavirus en Galicia é de 3.670, 439 máis que o día anterior. Deles 745 son da área da Coruña, 395 da de Lugo, 606 da de Ourense, 663 da de Pontevedra, 734 da área de Vigo, 386 da de Santiago e 141 da de Ferrol.
Do total de pacientes positivos, 10 están en UCI, 50 en unidades de hospitalización e 3.610 no domicilio. Por agora, en Galicia hai un total de 126.359 persoas curadas, rexistrándose 2.439 falecementos.
Desde o inicio da pandemia realizáronse en Galicia 2.402.199 probas PCR, 5.745 nas últimas 24 horas, que permitiron detectar 555 novos infectados.
Relacionadas:
-
As farmacias de Pontevedra xa poden expedir o certificado de vacinación da covid-19
Por Redacción |
-
Convocan máis de tres mil persoas de Pontevedra, Caldas, Poio e Marín a novos cribados
Por Redacción |
-
Lixeira melloría na situación da UCI de Montecelo mentres a pandemia segue sen control, con 50 novos positivos
Por Natalia Puga |