Poio prevé reducir un 80% da factura eléctrica co cambio a LED do alumeado público
Por Redacción
O goberno municipal de Poio prevé renovar medio milleiro de luminarias emprazadas en diferentes partes do municipio. É un proxecto de mellora da eficiencia enerxética que contará cun financiamento a tres bandas, segundo explica o Concello.
Serán 203.000 euros que, de xeito maioritario (163.000 euros) procederán de fondos europeos do Instituto para a Diversificación e Aforro da Enerxía (IDAE). O resto, a partes iguais, será achegado pola Deputación de Pontevedra e a administración municipal.
Está previsto que nos vindeiros dous anos se instalen 501 puntos de luz LED de última xeración, ademais da substitución de varios cadros de mando. Isto servirá para conseguir un aforro na factura da luz que roldará o 80% aproximadamente.
Está previsto que nos vindeiros días o alcalde, Luciano Sobral, asine o convenio coa institución provincial para poder poñer en marcha a actuación, que deberá estar finalizada antes do 31 de xullo de 2023.
De cara a preparar estes traballos, os concelleiros de Obras e Promoción Económica, Gregorio Agís e Chelo Besada, pasaron revista a algúns dos lugares nos que xa se están a acometer traballos de renovación de luminarias.
Esta subvención súmase a outra achega, próxima aos 50.000 euros, recibida da Deputación de Pontevedra para renovar o alumeado en zonas declaradas como Ben de Interese Cultural (BIC), como é o caso do casco histórico de Combarro ou os exteriores do Mosteiro de San Xoán.
Relacionadas:
-
Reformas "estéticas", primeiro paso para mellorar o centro histórico de Combarro
Por Redacción |
-
Flinq Ingeniería redactará o proxecto para a renovación de preto de 2.700 luminarias en Poio
Por Oskar Viéitez |
-
Comeza a tramitación para renovar máis do 40% do alumeado público de Poio
Por Redacción |
-
Case trescientos novos puntos de luz LED incorpóranse ao alumeado público de Poio
Por Redacción |
-
Case 800.000 euros de fondos europeos para que Poio renove o alumeado municipal
Por Redacción |
-
Ponte Caldelas, Poio e Moraña renovarán alumeado público cunha nova achega do Ministerio de Transición Ecolóxica
Por Redacción |
-
Poio resolveu 1.151 incidencias denunciadas pola cidadanía na "liña verde"
Por Redacción |
-
Poio gastou 476.803 euros en consumo eléctrico en 2020, o máis baixo nos últimos 8 anos
Por Redacción |