O brote derivado de Mallorca xa supera os 100 positivos en Pontevedra, 14 deles, estudantes que regresaron en avión o martes
Por Natalia Puga
O mega brote derivado das viaxes de estudantes de toda España a Mallorca xa supera os 100 casos na área sanitaria de Pontevedra e O Salnés. En concreto, a Consellería de Sanidade confirmou este mércores 103 positivos, dos que 14 son de alumnos que regresaron a Galicia en avión o martes.
Sanidade realizou un cribado no propio aeroporto de Santiago de Compostela e detectou 49 positivos, dos que 33 se corresponden a estudantes e os outros 16 a outros pasaxeiros do avión. En canto aos estudantes, 19 proceden da área sanitaria da Coruña e 14 da de Pontevedra.
En total, viaxaban nese avión 100 pasaxeiros, dos que 86 fixeron as probas. Todos os estudantes, 49, fixeron a proba e 33 deron positivo.
En canto ao mega brote, Sanidade confirma que en toda Galicia xa se confirmaron 155 positivos e hai 550 contactos identificados. Por áreas sanitarias, hai casos en A Coruña (19), Lugo (14), Ourense (4), Pontevedra (103) e Vigo (15), e 550 contactos.
A Consellería de Sanidade ten en marcha cribados en institutos de toda a cidade para intentar frear a expansión do brote e, en xeral, en toda Galicia xa ten establecidos cribados para máis de 11.000 persoas esta semana.
As autoridades sanitarias piden a colaboración de toda a poboación para que acudan cando sexan citados para, deste xeito, detectar contactos dunha maneira eficiente.
Relacionadas:
-
Pontevedra confírmase como a zona de Galicia máis afectada polo brote de Mallorca, con 125 positivos
Por Natalia Puga |
-
A área sanitaria rexistra 60 contaxiados máis nas últimas 24 horas
Por Oskar Viéitez |
-
Ningún dos estudantes 'desconfinados' en Mallorca que viaxan cara a Galicia é de Pontevedra
Por Natalia Puga |
-
A cifra de contaxios por covid, disparada na área sanitaria: 64 positivos nun día e 321 casos activos
Por Diego Espiño |
-
"Cada vez estamos teniendo más jóvenes en hospitales. Parece que está cambiando la foto"
Por Oskar Viéitez |
-
O lecer nocturno paga os pratos rotos da viaxe de estudantes pontevedreses a Mallorca
Por Manu Otero |
-
Lores, sobre as restricións: "Os botellóns fanse noutros sitios e logo padecemos nós as consecuencias"
Por Alejandro Espiño |
-
Sanidade amplía os cribados para conter o brote de Mallorca, que xa suma 85 positivos en Pontevedra
Por Natalia Puga & Mónica Patxot |