Detectados 167 contaxios por covid na última semana na área sanitaria
Por Diego Espiño
A Área Sanitaria de Pontevedra e O Salnés empeora este domingo 27 de xuño os seus datos de afectados pola covid sumando a súa cuarta xornada consecutiva cun importante número de novos positivos detectados.
Nesta ocasión, segundo a actualización oficial de datos ofrecida ás 10.00 horas polo Servizo Galego de Saúde, a área pontevedresa detectou nas últimas 24 horas 35 novos contaxios, o que unido a que só se produciron 4 altas epidemiolóxicas fixo crecer o número de casos activos ata os 207 (31 máis), superando a barreira dos dous centenares de afectados por primeira vez desde o pasado día 5.
A evolución é preocupante, empuxada polos positivos derivados dunha viaxe de fin de curso a Mallorca e que o sábado ascendían xa a 48 en Pontevedra, e é que en só unha semana, desde o domingo 20 de xuño, detectáronse en Pontevedra e O Salnés 167 contaxios por coronavirus chegando a subir en 89 o número de casos activos tutelados.
En canto á presión hospitalaria, este domingo hai unha persoa máis ingresada nos centros hospitalarios da comarca. Son en total 8 persoas, das que 6 evolucionan en planta repartidas entre o Complexo Hospitalario Universitario de Pontevedra (4) e o Hospital do Salnés (2) e 2 máis se atopan na Unidade de Coidados Intensivos de Montecelo.
Desde o inicio da pandemia superaron a infección 14.189 pacientes da área sanitaria, rexistrando 181 falecementos de persoas con positivo activo por covid.
En canto á realización de probas, nas últimas 24 horas fixéronse 369 PCR, que se engaden ás 247.511 efectuadas con anterioridade.
Relacionadas:
-
Atenúase o ritmo de contaxios por covid e os hospitalizados baixan a oito na área sanitaria
Por Diego Espiño |
-
O brote de covid-19 derivado de viaxes de estudantes a Mallorca xa ascende a 80 positivos en Pontevedra
Por Natalia Puga & Mónica Patxot | Creada e actualizada
-
"Aínda é cedo para dimensionar se van modificarse as restricións" afirma o conselleiro de Sanidade ante o gromo de Mallorca
Por Redacción |
-
Soben a dez os hospitalizados por covid na área sanitaria, con tres persoas na UCI
Por Diego Espiño |
-
Ascenden a 48 os pontevedreses infectados por covid tras unha viaxe de fin de curso a Mallorca
Por Diego Espiño |
-
Terceira xornada de contaxios disparados na área sanitaria, con 30 novos positivos e subindo aos 176 casos activos
Por Diego Espiño |
-
Álvarez Deza: "É unha irresponsabilidade por parte dos pais deixar ir aos seus fillos a unha viaxe multitudinaria"
Por Manu Otero |
-
Unha trintena de contaxios en Pontevedra tras unha viaxe de fin de curso a Mallorca
Por Natalia Puga & Mónica Patxot | Creada e actualizada
-
Os contaxios dispáranse na área sanitaria, con 39 novos positivos e tres pacientes máis no hospital nun día
Por Natalia Puga |