O equipo do barrio do Burgo, vencedor na xornada final dos Xogos na rúa Efecto PO2
Por Redacción & Cristina Saiz
A Praza de España viviu este sábado a xornada final dos 'Xogos na rúa' Efecto PO2, que xuntou aos cinco equipos gañadores dos barrios que participaron unha semana atrás nas eliminatorias: Monte Porreiro, O Burgo, Pontevedra Este, O Gorgullón e Campolongo.
A choiva impediu o pasado domingo celebrar a final, pero este sábado o tempo acompañou e as risas e a diversión foron as grandes protagonistas.
En total na primeira xornada participaran ata 40 equipos, que demostraron a súa habilidade en xogos tradicionais e colaborativos como o peletre, o tres en raia, a corda ou o pano. Pola súa banda na final os nenos e nenas participantes enfrontáronse a xogos como a colleita de mazorcas, esquís familiares e de novo a corda.
Ao final da xornada o equipo vencedor foi o do barrio do Burgo, composto por Alba Pérez Costa, Bruno Pérez Costa, Blanca Pineda Batle, Gabino Pérez Romero e Vanesa Costas García.
'Xogos na rúa' Efecto PO" ten como obxectivo incentivar o uso do espazo público por parte dos veciños dunha maneira lúdica e participativa, por ese motivo a edil Anabel Gulías anunciou que a iniciativa terá continuidade no mes de setembro.
Relacionadas:
-
Regresan os Xogos na Rúa para coñecer o mellor barrio de Pontevedra
Por Redacción |
-
A calidade do aire de Pontevedra "roza case a excelencia" a pesar dos cambios de criterios da OMS
Por Natalia Puga |
-
O barrio do Burgo xa conta con dúas pistas de petanca e zonas de sombra e descanso
Por Redacción & Mónica Patxot |
-
Cal é o mellor barrio de Pontevedra? A resposta saberase xogando na rúa
Por Oskar Viéitez |
-
Os xogos tradicionais da corda, o peletre e o pano ocuparán as rúas de cinco barrios o sábado 19
Por Mónica Patxot & Anxo Lourido |