Terceira xornada de contaxios disparados na área sanitaria, con 30 novos positivos e subindo aos 176 casos activos
Por Diego Espiño
A inercia ascendente provocada principalmente por un gromo localizado nunha viaxe de estudos mantense por terceira xornada consecutiva na Área Sanitaria de Pontevedra e O Salnés disparando os novos contaxios por covid.
En concreto, segundo a actualización oficial de datos sobre a pandemia ofrecida ás 10.00 horas deste sábado polo Servizo Galego de Saúde, a área pontevedresa detectou 30 novos positivos nas últimas 24 horas.
Esta situación fai que os casos activos aumenten ata os 176, o que supón 24 máis que o día anterior só atenuado polas 6 altas epidemiolóxicas que se produciron.
A preocupante tendencia deixa 7 persoas positivas por coronavirus ingresadas nos hospitais da comarca. A cifra supón un paciente menos, pero con todo o que si sobe é a ocupación da Unidade de Coidados Intensivos de Montecelo ao sumar o seu segundo ingresado. O resto de afectados evolucionan en planta entre o Complexo Hospitalario Universitario de Pontevedra (3) e o Hospital do Salnés (2).
Desde o inicio da pandemia superaron a infección 14.185 persoas na área sanitaria, rexistrándose 181 falecementos de pacientes con positivo activo.
En canto á realización de probas, nas últimas 24 horas realizáronse 355 PCR, que se suman ás 247.142 efectuadas con anterioridade.
Relacionadas:
-
Atenúase o ritmo de contaxios por covid e os hospitalizados baixan a oito na área sanitaria
Por Diego Espiño |
-
"Aínda é cedo para dimensionar se van modificarse as restricións" afirma o conselleiro de Sanidade ante o gromo de Mallorca
Por Redacción |
-
Soben a dez os hospitalizados por covid na área sanitaria, con tres persoas na UCI
Por Diego Espiño |
-
Detectados 167 contaxios por covid na última semana na área sanitaria
Por Diego Espiño |
-
Álvarez Deza: "É unha irresponsabilidade por parte dos pais deixar ir aos seus fillos a unha viaxe multitudinaria"
Por Manu Otero |
-
Unha trintena de contaxios en Pontevedra tras unha viaxe de fin de curso a Mallorca
Por Natalia Puga & Mónica Patxot | Creada e actualizada
-
Os contaxios dispáranse na área sanitaria, con 39 novos positivos e tres pacientes máis no hospital nun día
Por Natalia Puga |
-
Os novos contaxios dispáranse ata os 27, situando en 128 os casos activos de covid-19
Por Alejandro Espiño |